To listen to the Audio of this poem in my voice Please CLICK HERE
BhalaY dinoN kee baat haY
bhali see aik shakaL thee
na yeh kaY hus’n-e-tamaam ho
na dekhnaY maiN aam see
na yeh kaY chalaY tau
kehkashaaN see rah-guzar lagaY
phir bhee saath ho tau
bhala bhala sa safar lagaY
koyee bhee ru’t ho uss ka ja’b
faza kaa ra’Ng-o-roop thee
woh garmiyoN kee chaa’ooN thee
woh sardiyoN kee dhoop thee
na muddatoN judaa rahaY
na saath subh-o-sham hee
na rishta-e-wafa pay zid
na yeh kay izn-e-aam hee
na aisee khush libasiyaaN
kay saadgi gila karay
na itni bay takallufi
kay aai’na hayaa karay
na ikhtalaat maiN woh ra’mm
kay bad-mazah hoN khwaahishaiN
na iss qadar sapurdagi
kay zich karaiN nawaazishaiN
na ashiqi janooN kee kay
zindagi azaab ho
na iss qadar KaThor pa’n
kay dosti kharaab ho
kabhi tau baat bhee khafi
kabhi sakoot bhee sukhan
kabhi tau kisht-e-zaafraan
kabhi udaasiyoN kaa ba’n
sunaa hay aik um’r hay
mua’amlaat-e-dil kee bhee
was’l-e-jaaN faza tau kiya
firaaq-e-jaaN ghussal kee bhee
so aik roz kiya huvaa!
wafa pay beh’s chiR gayee
maiN ishq ko amar kahooN
woh meri zid say chiR gayee
maiN ishq kaa aseer thaa
woh ishq ko qafas kahay
yooN hee Um’r bhar kay saath ko
ba’d taraaz hawas kahay:
*"shajar hajar naheeN kay hum *
*hamesha pa ba-guL rahaiN
na Dor haiN yeh rassiyaaN * galay maiN mustaqiL rahaiN
muhabbatoN kee wusa’taiN
*hamaaray dasto-pa maiN haiN
ba’s ik dar say nisbataiN *
*saNg-e-baa wafaa maiN haiN
maiN koyee painting naheeN *
*jo ik frame maiN rahooN
wohi jo ma’n ka meet ho * ussi kay prem maiN rahooN
tumhaari soch jo bhee ho
*maiN iss mizaaj kee naheeN
mujhay wafa say bey’r hai * yeh baat aaj kee naheeN"
na uss ko mujh paY maan thaa
na mujh ko uss pay zo’am hee
jab koyee eh’d hee na ho
tau kiya gham-e-shikastagi?
so apna apna rasta
hansee khushi badal diya
woh apni ra’h pay chaL paRi
maiN apni ra’h pay chal diya
*App kay Lubb kuch aur 'farma' rahay hain aur dil main kuch aur hi hay :p *
Jo baat Un ke dil meiN hey mujhey bhi bataaiye
aesey meiN aap bhi kuch sawaab kamaaiye
uss k baad thread sey jaaiye aur haleem pakaiye
khud bhi khaaiye aur un ko bhi khilaaiye
Jo baat Un ke dil meiN hey mujhey bhi bataaiye
aesey meiN aap bhi kuch sawaab kamaaiye
uss k baad thread sey jaaiye aur haleem pakaiye
khud bhi khaaiye aur un ko bhi khilaaiye
wo baat jo un kay dil main hay uss bat ko dil main rehnay dain wo baat jo dil say niklaigi iss baagh ko rangeen kardaigi wo baat jab dil say nikalay gi wo baat phir voice tak pohnachagi
Tann Tann Tannn
Haleem pak gaya, sab bhokooN ko dawat-e-khaas hay, … yalghaar ho … toot parain
1971 main partition kia tha, koi faida howa uss ka ?
Mushaiari main ayi ho kia ?
ji nai, nageenay main angothi… sab kehtay main baish-baha nageena hoon
Please CLICK HERE
dil ki baat bako na 
