Bewa

Arts & Culture Poetry ( Intikhaab & Sho'ra-e-Gupshup)
1

**
Bewa**

Zard pattoN ki sheh’ragoN par
udaas qatroN ki os orrhey
jesey bahaar ki haseen bewa
kai sawaaloN meiN ulajh gai ho

Wo sochti hey udaas ho kar
ke kya zamaaney ke raastoN par,
zindagi ki taveel musafitoN par,
bina kisi ka haath thaamey,
waqt ke saath wo chal sakey gi!

Wo sochti hey udaas ho kar
ke hawas’zada hawa ke panjey
us ke taqaddus ki sufeid chaadar
kaheeN us ke sar sey noch na leiN!

Wo sochti hey udaas ho kar
ke imroz-e-farda ki aqoobatoN meiN
us ke wajood ka maatmi sad’barg
kaheeN gardishoN ka shikaar na ho

Wo sochti hey udaas ho kar
ke uski khushyoN ki maiyat ban kar
hum’safar us ka jo ab kaheiN nahi hey
wo hum’safar jis ka hawaala orrhey
wo saari dunya meiN jo mo’tabar thi
to kya is mai’yat ke saath hi ab
mohabbatoN ke wo baaqi rishtey
murrauwattoN ki gali sey ho kar
nigaaheiN apni - aur raaheiN apni
badal naa jaeiN - aur bigarr na jaeiN
ye roshni sey mulaaem rishtey
us ki khushyoN ki laash ke saath
lehad meiN chupkey sey utar na jaeiN!

**By: Amal
**

2

bhut khoob :k:
amal ji ak aur zaberdast poem :slight_smile:
thxs 4 sharing :slight_smile:

3

Re: Bewa

bohat he khoob aur bohat he sad ** Amal ** :teary2: :teary3: :teary3:

thanks 4 sharing

4

:teary3: :teary3:

  *sighz*

veryy nice :k:

5

:k:

6

Nice one Amal, though very sad!

7

Re: Bewa

Bay-had Umda Amal ji Sad version haa :teary3:

:frowning: Thanks for sharing :frowning:

8

Re: Bewa

:teary3:

9

Its beautiful Amal :k:

10

:teary1: :teary3: awwwww its a very nice peom but sad :frowning:

11

oops…meiN ney to aap sab ko udaas kar dia…I didn’t mean this…

12

No you did not, bewa did! :slight_smile:

13

sighz…

bohat Khoob. :k:

14

boht koob :k: :slight_smile: