~@~bevafaa likhate hai.n vo apanii kalam se mujh ko~@~

Arts & Culture Poetry ( Intikhaab & Sho'ra-e-Gupshup)
1

us kii hasarat hai jise dil se miTaa bhii na sakuu.N
Dhuu.NDhane us ko chalaa huu.N jise paa bhii na sakuu.N

Daal kar Khaak mere Khuun pe qaatil ne kahaa
kuchh yeh mehandii nahii.n merii ke miTaa bhii na sakuu.N

zabt kam_baKht ne aur aa ke galaa gho.NTaa hai
ke use haal sunaa_uu.N to sunaa bhii na sakuu.N

us ke pahaluu me.n jo lejaa ke sulaa duu.N dil ko
niind aisii use aaye ke jagaa bhii na sakuu.N

naqsh-e-paa dekh to luu.N laakh karuu.Ngaa sajade
sar meraa arsh nahii.n hai ki jhukaa bhii na sakuu.N

bevafaa likhate hai.n vo apanii kalam se mujh ko
ye vo qismat kaa likhaa hai jo miTaa bhii na sakuu.N

is tarah soye hai.n sar rakh ke mere zaano.n par
apanii so_ii hu_ii qismat ko jagaa bhii na sakuu.N

2

Bahut Khoob Nazi :flower1:

3

two words.

just lovely

4

Koi Dost nd ASN thx :flower1:

5

Nazi Ji Hazir khidmat hai:

tumhe.n udaas saa paataa huu.N mai.n kaa_ii din se
naa jaane kaun se sadame uThaa rahii ho tum
vo shoKhiyaa.N, vo tabassum, vo kah_kahe na rahe
har ek chiiz ko hasrat se dekhatii ho tum
chhupaa chhupaa ke Khamoshii me.n apanii bechainii
Khud apane raaz kii taashiir ban gaii ho tum

Saqi

6

Bohat khoob Nazi.. Beautiful :k:

7

Good one , Nazi....
do you know the name of the Shaayar ?

8

Nazi Ji,

Arz hai:

merii ummiid agar miT gaii to miTane do
ummiid kyaa hai bas ek paas-o-pesh hai kuchh bhii nahii.n
merii hayaat kii Gam_Giii.nio.n kaa Gam na karo
Gam hayaat-e-Gam yak naqs hai kuchh bhii nahii.n
tum apane husn kii raanaaiio.n par raham karo
vafaa fareb tul havas hai kuchh bhii nahii.n