Re: Best Ghazals
ek paravaaz dikhaa_ii dii hai
terii aavaaz sunaa_ii dii haii
jis kii aa.Nkho.n me.n kaTii thii sadiyaa.N
us ne sadiyo.n kii judaa_ii dii hai
sirf ek safaah palaT kar us ne
biitii baato.n kii safaa_ii dii hai
phir vahii.n lauT ke jaanaa hogaa
yaar ne kaisii rihaa_ii dii hai
aag ne kyaa kyaa jalaayaa hai shav par
kitanii Khus-rang dikhaa_ii dii hai
Re: Best Ghazals
nazm ulajhii huii hai siine me.n
misare aTake hue hai.n hoTho.n par
u.Date-phirate hai.n titaliyo.n kii tarah
lafz kaaGaz pe baiThate hii nahii.n
kab se baiThaa huu.N mai.n jaanam
saade kaaGaz pe likhake naam teraa
**bas teraa naam hii mukammal hai
isase bahatar bhii nazm kyaa hogii **
Re: Best Ghazals
aa.Nkh ko jaam samajh baiThaa thaa a.njaane me.n
saaqiyaa hosh kahaa.N thaa tere diivaane me.n
jaane kis baat kii un ko hai shikaayat mujhase
naam tak jin kaa nahii.n hai mere afasaane me.n
dil ke Tuka.Do.n se terii yaad kii Khushbuu na ga_ii
buu-e-may baaqi hai TuuTe huye paimaane me.n
dil-e-barbaad me.n ummiid kaa aalam kyaa hai
Tim-Timaatii hu_ii ik shammaa hai viiraane me.n
Re: Best Ghazals
my all time favourite is
Kabhi Kis ko Mukamil Jahaan nahin milta
Kahin Zamin tu Kahin Asmaan nahin milta
tere jahan mein aisha nhin k pyar na ho
jahaan umeed ho uski wahaan nahin milta
jise bhi dikhiye woh apne aap mein gum hai
zubaan mili hai magar hum zubaan nahin milta
kabhi kisi ko mukamil jahaan nahin milta
kahin zamin tu kahin asman nahin milta
:)
Re: Best Ghazals
sorry double post
Re: Best Ghazals
ye bataa de mujhe zindagii
pyaar kii raah ke hamasafar
kis tarah ban gaye ajanabii
ye bataa de mujhe zindagii
phuul kyuu.N saare murjhaa gaye
kis liye bujh ga_ii chaa.Ndanii
ye bataa de mujhe zindagii
kal jo baaho.n me.n thii
aur nigaaho.n me.n thii
ab vo garmii kahaa.N kho ga_ii
na vo a.ndaaz hai
na vo aavaaz hai
ab vo narmii kahaa.N kho ga_ii
ye bataa de mujhe zindagii
bevafaa tum nahii.n
bevafaa ham nahii.n
phir vo jazbaat kyo.n so gaye
pyaar tum ko bhii hai
pyaar ham ko bhii hai
faasale phir ye kyaa ho gaye
ye bataa de mujhe zindagii
Re: Best Ghazals
^
sab doston se guzaarish hai ke koi bhi ghazal ya nazm post kartay waqt sha'yer ka naam bhi zuroor likha karen. Give due credit to those who took pains in composing such beautiful lines.
Blessed be. . .
Re: Best Ghazals
yeh jo qoul-o-qarar hay kya hay **
*shaq hay ya aitabaar hay kya hay *
*na khula yeh keh samna tera *
*deed hay intazzar hay kya hay *
**koi dil ka maqam samjha'o
*ghar hay ya rahguzaar hay kya hay *
sorry i dont know the name of the poet
Re: Best Ghazals
Album : Vision Vol. II
SInger : Jagjit Singh
Music : Jagjit Singh
Lyrics : Rana Sahri
This is one of the Best Ghazal i have heard.
Koi dost hai na raqeeb hai,
tera sehar kitna ajeeb hai.
Woh jo ishq tha woh junoon tha,
yeah jo hijre hai ye naseeb hai.
Yahan kiska chehra padha karoon,
yahan kaun itna kareeb hai.
Main kise kahoon mere saath chal,
yahan sab ke sar pe saleeb hai.
Re: Best Ghazals
Lucky family . Khuda aapko or Lucky Karay. Bhot khoob likha hai aap ne :)
Re: Best Ghazals
Nice Selection DJ :k:
Re: Best Ghazals
udaas raaton mien tez coffee ki talkhiyon mien,
wo kuch ziyada hi yaad ata hai sardiyon mien,
mujhey ijazat nahin hai us ko pukaarney ki,
jo goonjta hai lahu mien,seeney ki dharkanon mien,
wo bachpana jo udaas rahon mien kho gaya tha,
mien dhondta hun usey tumhari sharartoun mien,
usey dilasey to dey raha hun magar ye such hai,
kahien koi khauf barh raha hai tasalliyon mien,
tum apni pouron sey janey kia likh gaye thay jana,
charagh roshan hain ab bhi meri hatheliyon mien,
jo tu nahin hai to ye mukammal na ho sakiengien,
teri yehi ehmiyat hai meri kahaniyon mien,
mujhey yaqeen hai wo thaam ley ga, bharam rakhey ga,
ye maan hai to diye jalaye hain andhiyon mien,
har aik mausam mien roshni si bekhairtey hain,
tumharey ghum key charagh meri udasiyon mien.
ik muammaa hai samajhaane kaa na samajhane kaa
ik muammaa hai samajhaane kaa na samajhane kaa
zindagii kahe ko hai Khvaab hai diivaane kaa
zindagii bhii to pashemaa.N hai yahaa.N laake mujhe
Dhuu.NDhatii hai koii hiilaa mere mar jaane kaa
haDDiyaa.N hai.n kaii lipaTii huii za.njiro.n me.n
liye jaate hai.n janaazaa tere diivaane kaa
tum ne dekhaa hai kabhii ghar ko badalate hue rang
aao dekho na tamashaa mere Gum_Khaane kaa
ab ise daar pe lejaa ke sulaa de saaqii
yuu.N behakanaa nahii.n achchhaa tere diivaane kaa
ham ne chhaanii hai.n bahot dair-o-haram kii galiyaa.N
kahii.n paayaa na Thikaanaa tere diivaane kaa
har nafas umr-e-guzashtaa kii hai mayyat "Fani"
zindagii naam hai mu.D mu.D ke jiye jaane kaa