Be'sood Jatan

Amal · July 20, 2003, 7:26pm

Apni aek nazm Be’sood Jatan sey aek iqtibaas aap logoN ki nazar.

Be’sood Jatan

AfshaN khaak ki itni thi doobhar rastoN ki mutthi meiN
meiN aaNkheiN mal kar kya karta,
meiN ney aaNkheiN noch ke rakh leiN theeN!
terey naqsh-e-pa to wesey bhi meri pohaNch meiN aaney mushkil they
socha tha hawaa sey poochoN ga
hawa bhi lekin zaalim thi
na’jaaney kahaaN wo chup gai mujhey itna keh kar kaanoN meiN
tum jis ko dhooNdney nikley ho hum us sey mil kar aaey heiN
ye ik aur sitam tha qismat ka!
meiN phir bhi soch ke bettha tha ik roz to tujh ko pa looN ga
yehi aas leeye apney dil meiN kya kya jatan na kar daala
apna hulya, apna chehra, apna rasta bhi badal daala
par jab bhi meiN un rastoN ko koi dhoka dey kar aata tha
wohi morr saamney paata tha
ab aur bhala meiN kya karta!
mera azm to pukhta tha lekin
taqdeer muqaabil aa gai thi
tadbeer wahaaN pe kya karti!
…
By: Amal

baziger · July 20, 2003, 8:02pm

**
its really beutifull**

chand_chehra · July 21, 2003, 2:32am

beautiful!!!

Muslim_Queen · July 21, 2003, 2:34am

very beautiful Amal Jee

ghazal_kisi_ke · July 21, 2003, 2:54am

great:k:

_Masoom_Muskaan · July 21, 2003, 11:41am

bhae phir agei kia hua
poree likhne the ab muge neend nehe ae ge

chodhry · July 21, 2003, 11:55am

Amal jeee, bohat achee poem laggi, es ka baaqi part bhi post kerien na.

_Masoom_Muskaan · July 21, 2003, 11:59am

amal bhae baqi ka part post nehe kerna ab

ASA · July 21, 2003, 1:38pm

wah… kya kehny… nice… :k:

system · July 21, 2003, 4:27pm

Beautiful :k::k:
bohat achi hai..

X_Communist · July 21, 2003, 4:36pm

It really is beautiful.

Dilsay · July 21, 2003, 5:40pm

ab aur bhala meiN kya karta!
mera azm to pukhta tha lekin
taqdeer muqaabil aa gai thi
tadbeer wahaaN pe kya karti!

Amal jee these four lines says entire story so touchy.... Khuda aap ko khush rakhay.....

NikamiJano · July 21, 2003, 9:08pm

Re: Be'sood Jatan

[QUOTE]
*Originally posted by Amal: *
taqdeer muqaabil aa gai thi
tadbeer wahaaN pe kya karti!
...

[/QUOTE]

Aymal baqi ka libaas kahan hai..:)

wesay tu sari nazam he bohat khubsurat but last main ye awsome

aik sher ap ki nazam k leay ..:)

na meRay qalam se likhi ga'ee na meRi zubaN se niQal saki
ye jo taaReaf karnaY ki baat hia kisi haRaf maiN na sama'eY ghi

kia sahi kaha ..:)

cuteAmir · July 22, 2003, 2:09am

Re: Be'sood Jatan

Amal,it is a nice poem.plz do write its remaining part.
thanks for posting.

WiseGuy · July 22, 2003, 2:50am

Bohat khoob :k:

Amarbail1 · July 22, 2003, 6:07am

Re: Be'sood Jatan

Be-had khoobsurat aur lajwaab thehreer hai Amal, umeed hai ke aap apni is nazm ke bakkeyya iqtisabaat bhi jald share karenge ...

Ocean_Of_Love · July 22, 2003, 10:54am

bohat khoob:)

Amal · July 22, 2003, 3:10pm

Friends thanx a lot for liking this poem. As far as posting of the second part of the
azm is concerned, I don’t have access to my electronic diary which holds all of my
work. I produced this part from my memory. I will post the remaining part as soon
as I get my diary working again. Thanx again for your appreciation:flower1:

Gemini_the_Great · July 23, 2003, 3:18am

simply beautiful like always :k:

GuL-e-Tasbeeh · July 23, 2003, 6:16pm

Re: Be'sood Jatan

[QUOTE]
*Originally posted by Amal: *

Apni aek nazm Be'sood Jatan sey aek iqtibaas aap logoN ki nazar.

Be'sood Jatan

AfshaN khaak ki itni thi doobhar rastoN ki mutthi meiN
meiN aaNkheiN mal kar kya karta,
meiN ney aaNkheiN noch ke rakh leiN theeN!
terey naqsh-e-pa to wesey bhi meri pohaNch meiN aaney mushkil they
socha tha hawaa sey poochoN ga
hawa bhi lekin zaalim thi
na'jaaney kahaaN wo chup gai mujhey itna keh kar kaanoN meiN
tum jis ko dhooNdney nikley ho hum us sey mil kar aaey heiN
ye ik aur sitam tha qismat ka!
meiN phir bhi soch ke bettha tha ik roz to tujh ko pa looN ga
yehi aas leeye apney dil meiN kya kya jatan na kar daala
apna hulya, apna chehra, apna rasta bhi badal daala
par jab bhi meiN un rastoN ko koi dhoka dey kar aata tha
wohi morr saamney paata tha
ab aur bhala meiN kya karta!
mera azm to pukhta tha lekin
taqdeer muqaabil aa gai thi
tadbeer wahaaN pe kya karti!
...
By: Amal
[/QUOTE]

Buhat khoobsurat nazm hay Amal shukar hay aap nay koii nazm bhi likhii :-)

wesay jatan be-sood kiyaa ya jo bhii hay kam az kam baad meiN apnay aap ko Dosh tou nahiN daiN gay naa :~p