le gayaa chheen ke kaun aaj teraa sabr-o-qaraar
beqaraarii tujhe ai dil kabhii aisii to na thii
[Bahadur Shah Zafar]
Re: Beqarari tujhey aesi tou na thee
Zafar ke hii baqaul:
**
dil kii merii be_qaraarii mujh se kuchh poochho nahiiN
shab kii merii aah o zaarii mujh se kuchh poochho nahiiN**
yeh 'aalam-e-qaraar o be_qaraarii bhii Khoob shai hai! 
Re: Beqarari tujhey aesi tou na thee
aap logon ko yaqeen hai ye Zafar ne hi kaha tha.. Zafar ke ustaad zoq ne likh ke de dia hoga 
Re: Beqarari tujhey aesi tou na thee
Nice.
Phir poochnay ko reh kya jaey ga 
Re: Beqarari tujhey aesi tou na thee
lo jii, yeh nayaa Pandora Box khol diyaa!
ab Zauq itne achchhe shaa’ir bhii na the! 
agar hote to chachaa Ghalib kiuN kahte k:
**
“Haafiz jii, zaraa Meer kii yeh Ghazal kabhii Hazrat-e-Zauq ke darvaaze pe bhii paRh dijiyegaa taa k unheN pataa to chale k zabaandaanii aur qaafiya bandi se shaa’irii nahiiN hotii!”** 
Re: Beqarari tujhey aesi tou na thee
Ghalib ke sath Zoq ne jo ki thi us ke baad Ghalib ka ye kehna bunta tha.. magar Zafar ka kalaam hamesha shakook ki nazar se dekha gaya hai
Re: Beqarari tujhey aesi tou na thee
I am in love with Bahadur Shah Zafar :p
Re: Beqarari tujhey aesi tou na thee
Ghalib ke sath Zoq ne jo ki thi us ke baad Ghalib ka ye kehna bunta tha.. magar Zafar ka kalaam hamesha shakook ki nazar se dekha gaya hai
Zauq chaaploos insaan the...chamchagirii karnii unko pasand thii...darbaarii shaa'ir jo the...
...vaise, dushmanaan-e-Zafar kii yeh aag lagaaii huii hai...yaqeenan Goraa Saab kii Harkat rahii hogii! :p
Re: Beqarari tujhey aesi tou na thee
I am in love with Bahadur Shah Zafar :p
chalo unki rooh ko kuch to qarar aaya hoga ke unke Delhi se na sahi Sindh se to unko koi chahne wala mil gaya :)
Re: Beqarari tujhey aesi tou na thee
Zauq chaaploos insaan the...chamchagirii karnii unko pasand thii...darbaarii shaa'ir jo the...
...vaise, dushmanaan-e-Zafar kii yeh aag lagaaii huii hai...yaqeenan Goraa Saab kii Harkat rahii hogii! :p
Zafar ki wo tamam shayri jo unki aseeri aur jilawatni ke mozu per hai mashkook hai... unko kaghaz qalam rakhne ki ijaazat nahin thi
Re: Beqarari tujhey aesi tou na thee
magar yeh Khabar un tak Burma meN pahoNchaayegaa kaun?
Re: Beqarari tujhey aesi tou na thee
Hawa Namabar hai
Re: Beqarari tujhey aesi tou na thee
Zafar ki wo tamam shayri jo unki aseeri aur jilawatni ke mozu per hai mashkook hai... unko kaghaz qalam rakhne ki ijaazat nahin thi
Ghalib bhii to ash'aar kamarband meN gireh lagaa kar chhoR dete the...Zafar kaa Haafizah kamaal kaa rahaa hogaa!
vaise, taraHii mushaa'iroN meN misr'a taraH par gireh lagaane kii istilaaH Ghalib se hii aKhaz shuda hai! :)
Re: Beqarari tujhey aesi tou na thee
aaii re aaii, maiN Hawaa Hawaaii
tujh se milne aayii, Hawaa Hawaaii?
vaise, Ghalib ke baqaul:**
de ke Khat muNh dekhtaa hai naamahbar
kuchh to paiGhaam-e-zabaanii aur hai**
kia hai paiGhaam e zabaani?
Re: Beqarari tujhey aesi tou na thee
waise ek question hai… Culture forum main poochta hoon
Re: Beqarari tujhey aesi tou na thee
kiuN bachchoN ko mushkil meN Daal rahe haiN?