Re: >>>> BEIRUT JAL RAHA HAI ! <<<<<
just read it and wept . you are not alone …aa’iye hath uthaian milkar hum jinnhain rasm’aim dua yaad nahi.
May Allah bless muslims.
Re: >>>> BEIRUT JAL RAHA HAI ! <<<<<
quote=darwesh]Dedicated to The Orphans Of Lebnan !
**Read… Ponder …Comment…Circulate. **
** BEIRUT JAL RAHA HAI !** <<<<<<<<<<<<<<
Beirut Jal Raha Hai,
Ta’ghoot Apna KasBal -
Phirse Dikha Raha Hai,
Libnan Aur Falasteen
Khoon Main Naha Raha Hai
Bachhe Hon Ya Ke Bourhe
Zakhmi Sissak Rahe Hain
Turbat Bina Yeh Laashein
Galiyuon Main Sarr Rahi Hain
…Beirut Jal Raha Hai !
Ummat Magar Bechaari
Dekhho Tou So Rahi Hai
Aalim Ho Ya Ke Hakim
Khaamosh Tak Rahe Hain,
… Beirut Jal Raha Hai !
Paani Dawaayee Roti
Kuchbhi Kaheen Nahi Hai
Chul’ha Bujha Hua Hai
Barood Jal Raha Hai
Insaaniyat Ka Laashaa
Insaan Par Hai Hairan
… Beirut Jal Raha Hai !
Insaan Marr Raha Hai
Shaitaan Hans Raha Hai
Tareekh Jal Rahi Hai
Tahzeeb Mit Rahi Hai
Islam Ke Yeh Da’yee
Dhoondo tou Sab Kahan Hain,
… Beirut Jal Raha Hai !!!
Ranjeeda Aur Sharamsaar,
Darwesh !
[/quote]
is alam zada surat e hal per hum kia kahin…ALLAH RABUL IZZAT islam dushman quwaton ko seddhi rah dikhaye or masoom logon k qatl say baz rakhay…AMEEN…
or MUSLIM hukumrano k liye sirf itna kahon gi k
MER JAYE GI JAB KHALQ TU INSAAF KARO GAY
MUNSIF HO TU PHIR HASHR UTHA KIO NAHI DAITAY
or tamam MUSLIMS k liye jo apnay ashiyanon mai jaan, maal, or iman ki salamti k saath salmat baithay hain…
UTTHO WGERNA HASHR NA HOGA PHIR KABHI
DOORO ZAMANA CHAL QAYAMAT KI CHAL GAYA…
duaon mai yad rakhye…Rabia Rana
Re: >>>> BEIRUT JAL RAHA HAI ! <<<<<
excellent :k:
Aameen …
Re: >>>> BEIRUT JAL RAHA HAI ! <<<<<
** beemaarii-e-hastii kii davaa kyoN nahiiN aatii
jee bhar gayaa dunyaa se, qazaa kyoN nahiiN aatii
har kulfat-e-insaaN ko jo jaR hii se miTaa de
aalam meN koii aisii vabaa kyoN nahiiN aatii
gulshan kii nigah.baanii kaa jhagRaa hii nimaT jaaye
hoNToN pe tabaahii kii duaa kyoN nahiiN aatii
har ek pe kar lete haiN be.fikr bharosaa
ham jaisoN ko jeene kii adaa kyoN nahiiN aatii
ik roz ke faaqa se khulaa raaz ki aaKhir
ismat kii tijaarat meN hayaa kyoN nahiiN aatii
kahte haiN ki har cheez meN tuu jalva.numaa hai
phir mujh ko nazar terii ziyaa kyoN nahiiN aatii
KhuuN.rezii-o-barbaadii pe qaaim haiN jo, un ke
seenoN se malaamat kii sadaa kyoN nahiiN aatii
mazluum pe TuuTe hai museebat pe museebat
:dost: sar-e-zaalim pe balaa kyoN nahiiN aatii !!!**
Re: >>>> BEIRUT JAL RAHA HAI ! <<<<<
Shahana Saheba...Tasleemat !
Shukriya, Iss Nazm Ki Maqbooliyat, Is Baat Ka Ishara Hai, Ke Hum Sab
*Ranjeeda Aur Sharamsaar Hain.... *
" Hum Khoon Ki Qistain To Kai De Chuke Lekin
*Aye Arz E Watan Qarz Aada Kyun Nahi Hota *
Aiye Parwardigaar Musalmaanon Ki Halat E Zaar Par Raham Farma... Ameen !
Umeed Hai Aapki Tabiyat, Alhamdollilah Bakhair Hogi.
Darwesh !
Re: >>>> BEIRUT JAL RAHA HAI ! <<<<<
Rabia Saheba....Aadaab !
Houslaafzayee Ka Shukriya, Yeh Gunahgaar Bhi Aapki Duaaon **
**Main Shamil Hai.
*Hum Islaam Dushman Ko To Baad Main Dekhainge, Pahle Hamain Khud Apna Ehtesaab Karna Hoga, Ke Hum Kiya Kar Rahe Hain ! *
Khudawand Iss Fikr Ki Khatir Aapke Qalam Ko Taabaani Ataa Farmawe Ameen !
Darwesh.
Re: >>>> BEIRUT JAL RAHA HAI ! <<<<<
H-H...Ji...Khushbash,
Iss Dua Main Shamil Hone, Aur Houslaafzayee Ka Shukriya.
Darwesh.
Re: >>>> BEIRUT JAL RAHA HAI ! <<<<<
Koi Dost Ji....Khushbash,
Aapki Fikr Achhi Hai...Shukriya, Bohat Jald Ek Aur Nazm,
Aapki Khidmat Main Pesh Ki Jayegi, Aapke Sawaal...
KYUN NAHI AATI ? ke Jawaab Main .
darwesh.
Re: >>>> BEIRUT JAL RAHA HAI ! <<<<<
**Derwesh Ji...
Hmeesha ki terhan pur-asar aur dilfagar andaaz...
Derwesh musalmaan her khittay main jal rahay hain..
Chahay Beirut hu ya Kashmir!!
Qalam aapka lekin ju kuch app nay bayan kia wu hum sub kay dil ki awaz hay..
Jitnay bhee hasas dil hain wu is pukar per terap uthay hain..
ALlah aap ko jazayee khair day
Fara
**
Re: >>>> BEIRUT JAL RAHA HAI ! <<<<<
Fara Saheba..... Aadaab !
*Qadardaani Ka Shukriya.... *
JO DIL PE GUZARTI HAI RAQAM KARTE RAHENGE ...
Khudawand Aapke Qalam Ko Bhi Bebaak Karde.... Aameen !
Darwesh.
Re: >>>> BEIRUT JAL RAHA HAI ! <<<<<
Nawazish Karam Maharbaani..... Mohtarema Iss Kaar E Khair Main, Aap Bhi Qalam Uthaen.
Darwesh !
Well sirf qalam uthanay sey hi maslah hal ho sakta tou yeh kaam mein kar chuki hoti, wesey bhi aap shaair hazrat jo hain iss kaam kay liye har kisi kay bas ki baat tou nahi.... aur jo kuch bhi ho raha hay Muslim mulk kay saath iss mein qasoor hum muslimano ka hi hay....
Re: >>>> BEIRUT JAL RAHA HAI ! <<<<<
Gul Saheba...Tasleemaat !
Baja Farmati Hain Aap... Hamen Khud Apna Ehtesaab Karna Hoga !
Yeh Sher Aapki Nazr .
" WOH AANKH HO TO KOI PURAANI KITAAB DEKHEN
** JAHAN SE HUMLOG KAT GAYE HAIN WOH BAAB DEKHEN **
** HAMARE AAGE NIDAAMATON KA WOH SILSILAA HAI**
HUM APNE TAMAAM DUSMANON KO KAAMYAAB DEKHEN "
Darwesh !