**Jo dekha bebasi ko ankh phar ke aik din maiN ne
Kaha us ne tujhay kesay mili fursat …
Mujhay iss tarha kiuN dekha …?
MaiN bola aaj pehli baar …
Main bola aaj pehli baar maiN samjha teri awaz
maiN bola aaj pehli baar maiN samjha teri guftar
Mian bola aaj pehli baar maiN ne teri tarha band hoonTooN se
pukara hay kissi ko
Jo meri doobti kashti kinaray se lagade..
magar…
magar.. meri zaban tou band thi..
Kis ne suna hoga..
maiN kab se aisay hi ik nakhuda ki rah takta hooN
Nazar tujh par paRi tou kuch tasali hogyi mujh ko
ke maiN tanha naheeN hoooN tu bhi meray saath hay ab tou
Tujhay hi dekh kar ab apni dunya ko basa loonga
Teray hi saath apni sari khushiaN baanT loonga maiN
Wo boli…
MaiN tou teray saath hoooN , Mian teri apni hoooN
Magar maiN janti huN…
Tujhay jab bhi mila wo nakhuda.. mujhko bhuladega
Magar ye yaadh rakh…!
MaiN unki ghar maiN bhi apna basera karchuki hooN
Ke jo teri taraf hasrat se taktay haiN
Ke jinka Nakhuda tu hay…**
(Golden Scorpion)
