meray dil k nehaaN khanoN meiN kitney lafz
chilatey huwey, yuN ba’in kertay haiN,
keh meray her taraf cheekho’n ka
wehshatnaak shorish,phail jata hai, satata hai…
magar jab siskiyaa’n letay huwey yeh lafz meiN
kaghaz ki aghosh-e-meherbaaN meiN
chupaanay k liye, tarteeb deti hoon,
achanak ye sabhi alfaaz yu’n chup sadh letay hain,
k goya boltey na hon.. …
meiN khaali warq pe nazrein jamaaey
qarb ki gehri andheri khamoshi ko,
apnay ander yun chupaati hoon,
k jesay koi apnay zakhm ko un se chupata hai
jo us se pyar kertay hain!
magar is aik koshish sey, na dil ka dard jata hey
na koi hal nikalta hey
bus ik wehshat ka saaya hey
jo har suu phail jata hey…!
