bazm-e-dushman mein bulaate ho ye kyaa karate ho
aur phir aaNkh churaate ho ye kyaa karate ho
baad mere ko_ii mujh saa na milegaa tum ko
Khaak mein kis ko milaate ho ye kyaa karate ho
chii.nTe paanii ke na lo niind bharii aa.Nkho.n par
sote fitane ko jagaate ho ye kyaa karate ho
ham to dete nahiin kyaa ye bhii zabar_dastii hai
chhiin kar dil liye jaate ho ye kyaa karate ho
ho na jaaye kahii.n daaman kaa churaanaa mushkil
mujh ko diivaanaa banaate ho ye kyaa karate ho