**Bay kaif hain yeh saghur-o-meena terey baghair
Aa’saan ho’aa hay zahar ka peena terey baghair
Kiya Kiya terey firaaq main ki hain mushaq’qa’tain
Aik ho gaya hay khoon paseena terey baghair
Jach’ta nahee hay koi nighahoon main aajkal
Bey-ukss hay yeh deeda-ey beena terey baghair
Kin Kin balndioon ki taman’na thee ishq main
Tay ho na saka aik bhee zeena terey baghair
Toou aash-na-ey shid-da-tey ghum ho tou kuch kahoon
Kitna bara aazaab hay geenaa terey baghair
BAAQI kisi bhee cheez ka dil par as’sar naheen
Path’thar ka ho gaya hay yeh seena terey baghair
**