Rim jhim ho, chandani ho.
Dil chahta hai mera
Chahat ho, dilbari ho.
Dil chahta hai mera.
[RIGHT]Bachay hoon sar khushi ho
Aangan mein dhoom si ho
Ghar bhar mein roshani ho
Har simt ik khushi ho
Dil chahta hai mera
Bahoyen hoon, betiyan hoon
Potay hoon, nawasiyan hoon
Betay bhi hans rahay hoon
Khush houn damad meray
Janat si zindagi ho
Agar is tarha basr ho
Dil chahta hai mera
[RIGHT]Jo gham sai haar bethay
Qismat ko dosh de kar
Qismat ko haath lay kar
In ko sahara dai dein
In ko bata dein dekho
Himmat hi jadogar hai
Aa bardh kay hosla dein
Dil chahta hai mera
Kitna burra hai lardna
Nafrat hassad sai marna
Lutna ya loot lena
Jeena na jeenay dai na
Ik khauf hai fiza mein
Jangain hain aur dhamakay
Wehshat hai, barbariyat
Aur zalzalay qeyamat
Dil ro raha hai mera
[RIGHT]Aangan ujar rahay hain
Aanchal bhi lutt rahay hain
Bachay masoom bachay
Keya jantay nahi ho
Faqoon sai marr rahay hain
Bamon sai cut rahay hain
Taqweem ka yeh ahsan
barood bechta hai
Barood phankta hai.
Bay haath paon lashain
Aur sokhta hain tan mann
Duniya younhi rahay gi
Kiyon ro rahi ho *Shana
*
[RIGHT]Ham mast-e-zindagi hain
Is tarz-e-zindagi sai
Ungali ki nok neechay
Duniya ka har nazzaraa
Har fasla simatt kar
Edad mein samaya
Kiyon sochnay ki zehmat
Kiyon harf-e-barmala ko
Honton pe la kay dekhain
Ham mast-e-zindagi hain
Kiyon jan’nay ki koshish
Keya deen keya khuda hai?
Fursat naheen hai ham ko
Rim jhim ho, chandani ho
Dil chah raha tha mera
Dil chah raha tha mera.
**Shan.
11.March,2006**
[/RIGHT]
[/RIGHT]
[/RIGHT]
[/RIGHT]
