barsooN kay ba’ad daekhaa ik shaKhs dil-ruba saa
ab zehn maeN nahiN hai par naam thaa bhalaa saa
abroo khichay khichay say AaNkhaeN jhuki jhuki si
baataeN ruki ruki si, lehjah thakaa thakaa saa
alfaaz thay keh jugnoo Aavaaz kay safar maeN
ban jaa’ay jangalooN maen jis taraH raastaa saa
KhwaabooN maeN Khwaab us-kay, yaadooN maeN yaad us-ki
neeNdooN maeN ghul gayaa ho jaisay keh ratjagaa saa
pehlay bhi log Aa’ay kitnay hi zindigi maeN
voh har taraH say laikin aurooN say thaa judaa saa
agli muhabbatooN nay voh naa-muraadiyaaN deeN
taazah rafaaQatooN say dil thaa Daraa Daraa saa
kuch yeh keh muddatooN say ham bhi nahiN thay ro’ay
kuch zehr maeN bujhaa thaa eHbaab kaa dilaasaa
phir yooN hu’aa keh saavan AaNkhooN maeN Aa basay thay
phir yooN hu’aa keh jaisay dil bhi thaa Aablah saa
ab sach kahaeN to yaaro ham ko Khabar nahiN thee
ban jaa’ay gaa Qayaamat, ik vaaQe’ah zaraa saa
taevar thay bay-ruKhi kay aNdaaz dosti kay
voh ajnabi thaa laikin lagtaa thaa Aashnaa saa
ham dasht thay keh daryaa, ham zehr thay kay amrat
naaHaQ thaa zuu’m ham ko jab voh nahiN thaa
piyaasaa ham nay bhi us ko daekhaa kal shaam
ittefaaQan apnaa bhi Haal hai ab logo ~FARAAZ~ kaa saa
Beautiful.....
:k:
BEUTIFuuuuuuuuuuuuuuuuuuuuL :(