Barson ke baad dekha ik shaks dilruba sa
Ab zehen mein nahi hai, par naam tha bhala sa
Abroo kheenche kheenche se ankhain jhuki jhuki si
Baatain ruki ruki si, lehja thaka thaka sa
Alfaaz thay ke jugnoo aawaaz ke safar mein
Ban jaaye jungalon mein jis tarha raasta sa
Khwaabon mein khwaab uske, yaadon mein yaad uski
Neendon mein ghul gaya ho jaise ke rat jaga sa
Pehle bhi log aaye kitne hi zindagi mein
Wo har tarha se lekin auron se tha juda sa
Agli mohobbaton ne wo namuraadiyaan deen
Taaza rafaakaton se dil tha dara dara sa
Kuch ye ke muddaton se hum bhi nahi thay roye
Kuch zeher mein bujha tha ahabaab ka dilaasaa
Phir yun huwa ke saawan aankhon mein aabase thay
Phir yun huwa ke jaise dil bhi tha abaalaa sa
Ab sach kahain to yaaron humko khabar nahi thi
Ban jaayega qayaamat ik vaakiya zara sa
Tevar thay berukhi ke andaaz dosti ke
Wo ajnabi tha lekin lagta tha aashna sa
Hum dasht thay ke dariya, hum zeher thay ke amrit
Naahaq tha zonum humko jub wo nahin tha pyasaa
Humne bhi usko dekha kal shaam ittefaaqan
Apna bhi haal hai ab logon “Faraz” ka sa