Barson Ke Baad Dekha Ik Shakhs Dil Ruba Sa
Ab Zehen Main Nahin Hai Par Naam Tha Bhala Sa
Abroo Khinche Khinche Se Aankhain Jhuki Jhuki Si
Batain Ruki Ruki Si Lehaja Thaka Thaka Sa
Alfaaz The Ke Jugnu Awaaz Ke Safar Main
Ban Jaaye Jungalon Main Jis Tarah Raasta Sa
Khwaabon Main Khwaab Us Ke Yaadon Main Yaad Us Ki
Nindon Main Ghul Gaya Ho Jaise Ke Rat Jaga Sa
Pahle Bhi Log Aaye Kitne Hi Zindagi Main
Wo Har Tarah Se Lekin Auron Se Tha Juda Sa
Agli Mohabbaton Ne Wo Naa Muraadiyaan Di
Taaza Rafaaqaton Se Dil Tha Dara Dara Sa
Kuchh Ye Ke Muddaton Se Ham Bhi Nahin The Roye
Kuchh Zahar Main Bujha Tha Ahabaab Ka Dilaasa
Phir Yoon Hua Ke Saawan Aankhon Main Aa Base The
Phir Yoon Hua Ke Jaise Dil Bhi Tha Aablaa Sa
Ab Sach Kahain To Yaaro Ham Ko Khabar Nahin Thi
Ban Jaayega Qayamat Ik Vaaqia Zara Sa
Tewar The Berukhi Ke Andaaz Dosti Ke
Wo Ajnabi Tha Lekin Lagta Tha Aashna Sa
Hum Ne Bhi Us Ko Dekhaa Kal Shaam Ittefaaqan
Apana Bhi Haal Hai Ab Logo ‘Faraz’ Ka Sa
Re: Barson k baad
wah.. one of my favorites by Faraz
Re: Barson k baad
AM@ BHAI itni mehnat aap ne ki:eek: 
sab thek to hy na
Re: Barson k baad
nei aj kuch theek nei hy 
Re: Barson k baad
kia hua
Re: Barson k baad
kuch nei
Re: Barson k baad
oh ap bhi na dil me nahi rakhna chahiay
Re: Barson k baad
I like it :k:
Re: Barson k baad
Faraaz kya chaak gereban ho gaya hai ab? Jissey meri Ammi jan aam alfaaz mein 'Sir jhaar munh phaar' huliya kehti hain :p
Re: Barson k baad
saare aashiq ko yehi haal hota hai.. yehi to to Alka bibi bhi keh rahi hain