Barishon ke mausam mein

Arts & Culture Poetry ( Intikhaab & Sho'ra-e-Gupshup)
1

**Barishon ke mausam mein
dil ki sarzameenon per
gard kyun bikharti hai

isterhan ke mausam mein
phool kyun nahin khiltay
loag kyun nahin miltay

kyun faqat ye tanhai saath saath rehti hai
kyun bicharnay waalon ki
yaad saath rehti hai

itni taiz barish se
dil k ainay per say
aks kyun nahin dhultay
zakhm kyun nahin mit’tay
neend kyun nahin aati

barishon ke mausam mein
aankh kyun barasti hai
ashk kyun nahin thamtay
subha kyun nahin hoti
raat kyun nahin dhalti

asman pe saay bhi munjamid se rehtay hein aur dil k darvazay kyun kabhi nahin khultay saay kyun nahin dhaltay
chand kyun nahin aata

asman sajanay ko
aur ye sitaray bhi
kyun nahin nikaltay hein

barishon ke mausam mein
tum hi humko samjhao
loag kyun nahin miltay
phool kyun nahin khiltay
ashk kyun nahin thamtay
neend kyun nahin aati!**

2

Re: Barishon ke mausam mein

sirf barshon ke mosam me:eek::eek:
yi to har waqt ki baat hi foot path per shopping kerte hue travel kerty hue
friendz se baat kert hue phon e per busy hote hue raat ko sone se pehly aansoo bahate hue

3

Re: Barishon ke mausam mein

Sirf barishon mein nahi…her mousam mein yehi hota hy…:teary3:
farq sirf itna hy k her mousam mein alag alag andaaz mein izhaar krty hyn..

4

Re: Barishon ke mausam mein

Barishon ke mosam main aisa iss liye hota hai kiyunke nalaiq KMC walon ne naalon ki safai nahi ki hoti :aj: