Is Se Pehlay K BeWafa Ho Jayien
Kiyon Na A Dost Hum Juda Ho Jayien
Tu Bhi Heeray Se Ban Gaya Pathar
Hum Bhi Kal Janay Kia Se Kia Ho Jayien
Tu K Yakta Tha Be Shumaar Hua
Hum Bhi Tootien To Ja Baja Ho Jayien
Hum Bhi Majbooriyon Ka Uzar Karien
Phir Kahein Or Mubtala Ho Jayien
Hum Agar Manzilein Na Ban Paye
Manzilon Tak Ka Raasta Ho Jayien
Dair Se Soch Mein Hain Parwanay
Rakh Ho Jayien , Ya Hawa Ho Jayien
Ishq Bhi Khail Hai Naseebon Ka
Khak Ho Jayien , Keemiya Ho Jayien
Ab K Gar Tu Milay To Hum Tujh Se
Aisay Liptein Teri Quba Ho Jayien
Bandagi Hum Ne Chor Di Hai “FARAZ”
Kiya Karien Log Jab Khuda Ho Jayien
-=EnD=-
(Ahmad Faraz)
