loog kahtay hain kay
bad-e-sar sar kay singrazoon se
tout jatay hain band khirki kay dhilay shishay
yeh zaroori nahi hai kay
her lafz
jo kisi hoont per shagufta ho
apnay andar sadaqatoon ki mahak bhi rakhay
main band khirki ka aik shisha hoon
jo hazarhan saal se
hawa kay lateef jhoonko se
kharkharati hoon aur jab
sabz mossam ka libas jharta hai tou
khof kay bazoon main jakray howay parinday
panha gahoon ki jistoojo main
bahtknay lagtay hain aur
andhyoon kay syah nazay kay ufaq kay
daman main ugnay lagtay hain
main aik shisha
in andhyoon kay syah naizoon ki
zad main akar bhi yooun khari hoon kay
meray jism per aik kharash tak
bhi kahin nahi hai
mehwish afsar