7star k naam ek aur gulab.
***bana gulaab to kantay chubha gaya ik shakhs
hua charagh to ghar hi jala gaya ik shakhs
main kis hawa main uroon kis faza main lehraon
dukhon k jaal har ik soo bichaa gaya ik shakhs
tamam rang mere aur saray khawab mere
fasa na thay k fasana bana gaya ik shakhs
palat sakun bhi, na agay hi barh sakun jis par
mujhay ye konsay rastay laga gaya ik shakhs
mohabbatain bhi ajab, uski nafratain bhi kamal
meri hi tarah ka mujh main sama gaya ik shakhs
wo mahtaab tha, marham badast aya tha
magar kuch aur siwa dil dukha gaya ik shakhs
mohabbaton ne kisi ki bhula rakha tha usay
milay wo zakhm k phir yaad aa gaya ik shakhs
khula ye raaz k ayena khana hai dunya
aur us main mujhko tamasha bana gay aik shakhs