**ab tak to nuur-o-niKhat-o-rang-o-sadaa kahuu.N
mai.n tujh ko chhuu sakuu.N to Khudaa jaane kyaa kahuu.N
lafzo.n se un ko pyaar hai mafhuum se mujhe
vo gul kahe.n jise mai.n teraa naqsh-e-paa kahuu.N **
*Na jee bhar k dekha na kuch baat ki
Barii aarzo` thee mulaQat ki
Shab-e-hijR tuk ko ye tashveesh thee
Musafir ne janay kahan raat ki *
**ik intazaar saa thaa ab nazar me.n vo bhii nahii.n
safar me.n marane kii fursat thii ghar me.n vo bhii nahii.n
zaraa malaal kii zulmat ko Taalane ke liye
ka_ii Khayaal the ab to asar me.n vo bhii nahii.n**
*Na janay kion merii ankhien barasne lagtii hien
Jo such kaho`N tu kuch aisa udaas hoon bhee nahi
*
**ye dil kabhii na muhabbat me.n kaamayaab huaa
mujhe Kharaab kiyaa, aap bhii Kharaab huaa
ajal me.n, ziist me.n turabat me.n, hashr me.n zaalim
tere sitam ke liye mai.n hii intaKhaab huaa **
*Aahat se koi aaye tu lagta hai ke tum ho
Sayaa koii lehraye tu lagta hai k tum ho
Jub shaakh koii haath lagatay hee chaman mein
sharmaaye, lachuk jaye tu lagta hai k tum ho *
**vafaa ke shiish mahal me.n sajaa liyaa mai.n ne
vo ek dil jise patthar banaa liyaa mai.n ne
ye soch kar ki na ho taak me.n Khushii ko_ii
Gamo.n ki oT me.n Khud ko chhupaa liyaa mai.n ne **
*Ye hum hee thay k lub per sajaaye` rahay hunsii
Koun saath deta hai kissi ka khushii k saath *
**haal-e-dil mai.n ne jo duniyaa ko sunaanaa chaahaa
mujh ko har shaKhs ne dil apanaa dikhaanaa chaahaa
apanii tasviir banaane ke liye duniyaa me.n
mai.n ne har rang pe ik rang cha.Dhaanaa chaahaa**
*Is baar tu barishien ruktii nahi hien dosto`N
Hum ne kia aansoo piye ke saray mosum ru paray *
**ye na thii hamaarii qismat ke visaal-e-yaar hotaa
agar aur jiite rahate yahii intazaar hotaa
tere vaade par jiye ham to ye jaan jhuuTh jaanaa
ke Khushii se mar na jaate agar aitabaar hotaa**
*Aay shaam mujhe tum kuch na kaho is baar mera dil toota hai
Ya jee na sako`N aisee baat kaho is baar mera dil toota hai *
*ye teraa ghar ye meraa ghar kisii ko dekhanaa ho agar
to pahale aake maa.Ng merii nazar terii nazar
ye ghar bahut hasiin hai *
insha jee utho, ab kooch karo
is shehar main jee ko lagana kia
*Abhi zid na ker dil-e-bekhabR ke pas-e-hajoom sitam giraNN
Abhi koun tujh se wafa kere abhi kis ko fursatien is Qadar
K samait ker terii karchiya
Tere haQ mein khud se dua kere *
*yahaa.N mahak vafaao.n kii hai qah-qaho.n ka arang hai
ye ghar tumhaaraa Khvaab hai ye ghar merii uma.ng hai
na aarazuu pe qaid hai na hausale par ja.ng hai
hamaare hausale kaa ghar hamaarii himmato.n kaa ghar *
rafta rafta woh meri hasti ka saaman ho gaye
pehlay jaan, phir janay jaan, phir janay janaan ho gaye
E
**ye tasallii hai ki hai.n naashaad sab
mai.n akelaa hii nahii.n barabaad sab
sab kii Khatir hai yahaa.N sab ajanabii
aur kahane ko hai.n ghar aabaad sab **
bazeechai atfaal hai dunya meray agay
hota hai shabo roz tamasha meray agay
Ghar Apne Aap Hi Jagmaga Uthe Ga, Dehleez Pe Ik Kadam Hi Bahot Hai
Mil Jaye Agar Teri Rafaqt, Mujh Ko To Yahi Janam Bahot Hai