Bait Bazi - LXIII (merged)

GuL-e-Tasbeeh · September 13, 2002, 5:19pm

yeh kis muQam pe tanhaai sonpetay ho mujhay
keh ab tou tark-e-tamana ka bhi hosala nahiN

Next: Noon*

Amal · September 13, 2002, 5:21pm

**
Na jaaney aaj ye kis ka khayaal aaya hey
khushi ka rang leeye har malaal aaya hey

"ye"

GuL-e-Tasbeeh · September 13, 2002, 5:23pm

yeh ghalat kaha kisii nay humain GuL kii Arzoo hay
jo kabhii chubhaa tha diL meiN wuhi khaar dhuhndate haiN

Next: Noon*

Amal · September 13, 2002, 5:28pm

** nahi hey tum sey koi dosti magar ab bhi qadam qadam par ye kesa wabaal aaya hey

“ye”

GuL-e-Tasbeeh · September 13, 2002, 5:32pm

yuuN sajaa chaaNd keh jhalka terey andaaZ ka rang
yuuN faza mahki keh badla merey hamaraZ ka rang

Next: gaaf*

Amal · September 13, 2002, 5:35pm

**
Gham-e-aashqi se keh do raah-e-aam tak na pohNchey
mujhey khaof hey ye tohmat terey naam tak na pohNchey

"ye"

GuL-e-Tasbeeh · September 13, 2002, 5:38pm

ye KhizaaN ki Zard si Shaam meiN, jo Udaas per ke paas hay
ye tumhaaray Ghar ki bahaar hay, ise AansuoN sey haraa karo

Next: wao*

Amal · September 13, 2002, 5:42pm

**
Wo merey haal pe roya bhi muskuraaya bhi
ajeeb shakhs hey apna bhi hey paraaya bhi

"ye"

GuL-e-Tasbeeh · September 13, 2002, 5:46pm

ye tabiyat hay to Khud azaar ban jaaiN gey hum
chara-gar roaiN gey aur Gham-Khwaar ban jaaiN gey hum

is Qadar asaaN na hogi har kisi sey dostii
ashnaai meiN teraa mayaar ban jaaiN gey hum

Next Meem*

Amal · September 13, 2002, 5:50pm

**
Mujhey ishtihaar si lagti heiN ye mohabbatoN ki kahaaniyaN
jo kaha nahi wo suna karo jo sunaa nahi wo kahaa karo
kabhi husn-e-parda'nasheen bhi ho zara aashiqaanaa libaas meiN
jo meiN ban saNwar ke kaheeN chalooN merey saath tum bhi chala karo

"wo"

GuL-e-Tasbeeh · September 13, 2002, 5:56pm

Wuh firaQ aur wuh wisal kahaaN
wuh shab-o-roz-o-maah-o-saal kahaaN

Fursat-e-kaarobaar-e-shauQ kisey
zauQ-e-nazara-e-jamaal kahaaN

Next: Noon*

Amal · September 13, 2002, 5:59pm

**
Nahi be'hijaab wo chaand sa ke nazar ka koi asar nahiN
usey itni garmiy-e-shaoq sey barri deir tak na takaa karo

"wo"

GuL-e-Tasbeeh · September 13, 2002, 6:01pm

wuh barra Raheem-o kareem hay, mujhay yeh sift bhii ataa karey
tujhay bhoolne ki Dua karoon to Dua meiN meri asar na ho

Next wao*

Amal · September 13, 2002, 6:09pm

**
Wohi munsifoN ki rivaayateiN wohi faisloN ki ibaarateiN
mera jurm to koi aur tha par meri sazaa koi aur hey
teri roshni mermi khadd-o-khaal sey mukhtalif to nahiN magar
tu qareeb aa tujhey deikh looN tu wohi hey ya koi aur hey

"ye"

GuL-e-Tasbeeh · September 13, 2002, 6:16pm

yeh Mah-e-taabaaN say ja kar kahdo,keh apni kirno ko giN kay rakhe
meiN apnay sehra kay zarre zarre,ko khud chamkna sikha raha huuN

Next: Noon*

Amal · September 13, 2002, 6:20pm

Bohat khoob

**
Na wo aaNkh hi teri aaNkh thi na wo khaab hi tera khaab tha
dil-e-muntazir to ye kis leeye tera jaagna, usey bhool ja

“alif”

GuL-e-Tasbeeh · September 13, 2002, 6:24pm

Shukriya jii:~)

ik Hijr jo hum ko Laahak hay ta dair usey dohraaiN kya
wuh ZahaR jo diL meiN utaar Liyaa phir uskey naaZ uThaaaiN kya

Next: Alif*

Amal · September 13, 2002, 6:26pm

**
In baarishoN se dosti acchi nahi Faraz
kacha tera makaan hey kuch to khayaal kar

"rey"

GuL-e-Tasbeeh · September 13, 2002, 6:31pm

Rahiye ab aesi jagah chaL kar jahaaN koi na ho
hum-suKhaN koi na ho aur hum-ZabaaN koi na ho

paRiye gar beemaaR tou koi na ho timaar-daar
aur agar mar jaaiye tou nauha-KhwaaN koi na ho

Next: wao*

Amal · September 13, 2002, 6:34pm

**
Wo aaj bhi sadyoN ki musaafat pe kharra hey
dhooNda tha jisey waqt ki diwaar giraa kar

"rey"