Bait Bazi - LXIII (merged)

GuL-e-Tasbeeh · September 15, 2002, 2:56pm

wuhi kaarwaaN wuhii raastey wuhi zindagii wuhii marahaley
magar apane apane muqaam par kabhii tum nahiN kabhii hum nahiN

Next: Noon*

system · September 15, 2002, 3:29pm

Na Wo Ikraar kerta hai, na Wo Inkaar kerta hai
Humain phir bhi gumaa hai, Wo hum hi se Pyaar kerta hai

Amal · September 15, 2002, 4:16pm

[QUOTE]
Originally posted by ** Vivacious ***: *
Na Wo Ikraar kerta hai, na Wo Inkaar kerta hai
Humain phir bhi gumaa hai, Wo hum hi se Pyaar kerta hai
[/QUOTE]

filimi shaeri? :(

**
ye phool chehra kitaab aaNkheiN inhey tum sab sey chupaey rekhna
tum merey dil ki duwaaoN meiN ho tumhaari asmat azeem tar hey

"ye"

NikamiJano · September 15, 2002, 4:32pm

yunhi bhoolaY bhatkay jo aa gaiey haiN idher tu itni hawa na daY
k ghubaar-e-kooey malamtaN koi waqee'aa tu chupa rahaY

GuL-e-Tasbeeh · September 15, 2002, 4:36pm

yeh DiL ki Raah meiN Urrta ghubaar kis ka hay
wuh Jaa chukaa hay tou phir intezaar kis ka hay
nahin wuh apna magar iss ki Raah bhii dekhuuN
DiL-o-NazaR pe bhala ikhteyaar kis ka hay

Next: ye*

Amal · September 15, 2002, 4:40pm

**
Ye merey khaaboN ki dunya nahiN sahi lekin
ab aa gaya hooN to do din qayaam karta chalooN
unheiN ye zid ke mujhey deikh kar kisi ko na deikh
mera ye shaoq ke sab sey salaam karta chalooN
"noon"

GuL-e-Tasbeeh · September 15, 2002, 4:42pm

Na-jaanay konsay Jazbay ki yuuN taskeen karta huuN
BazaahiR tou Tumhaaray Khatt jalaa kar kuch nahiN milta
AmaL ki Sookhti RaG meiN zara sa khuuN shamiL kar
Meray hum-dam FaqaT baatain bana kar kuch nahiN milta

Next: Alif*

Amal · September 15, 2002, 4:45pm

**
Us ki nigaah-e-naaz meiN hum bhi heiN mo'tabar
aey dil ye sab teri khush'fehmiyaaN na hooN
dast-e-dua uttha to rahi hooN meiN aey Khuda
hissey meiN merey phir wohi maaiyusiaaN na hooN

"noon"

GuL-e-Tasbeeh · September 15, 2002, 4:51pm

NeendaiN meri Aankhon sey churaata hay wuhi shakhs
So jaaooN tou khawaabon meiN bhi aata hay wuhi shakhs
Har Zakhm ka khaaliQ bhii koi aur nahin hay.......
har Zakhm pe marhum bhii Lagaata hay wuhi shakhs

Next: i think with Seen*

Amal · September 15, 2002, 4:55pm

**
zabt laazim hey magar mushkileiN bhi dekho to
gham ke pahaarr jazba-e-sabr pe ubhar aaey heiN
meiN agar takleef sey cheekhoN to koi na rokey
khanjar dard ke merey dil tak utar aaey heiN

"noon"

GuL-e-Tasbeeh · September 15, 2002, 4:57pm

:)

Amal · September 15, 2002, 5:02pm

oops..I think it was "suvaad" :(

GuL-e-Tasbeeh · September 15, 2002, 5:09pm

nazar meiN DhaL ke ubharate haiN diL key afasaney
ye aur baat hay duniyaa nazar na pahachaney

Next: ye*

Amal · September 15, 2002, 5:12pm

**
Ye chiraagh be'nazar hey ye sitaara be'zubaaN hey
abhi tujh sa milta julta koi doosra kahaaN hey
wohi shakhs jis pe apney dil-o-jaaN nisaar kar dooN
wo agar khafa naheeN hey to zaroor bad'gumaaN hey

"ye"

GuL-e-Tasbeeh · September 15, 2002, 5:19pm

yuuN akeley dekh kar bhii, na kaho Tanha mujhey tum
saath merey hay Khuda bass, kaarwaN koii nahiN hay

Next: ye*

Amal · September 15, 2002, 5:23pm

**
yuN kis tarhaN kattey ga karri dhoop ka safar
sar pe kahayaal-e-yaar ki chaadar hi ley chaleiN

"noon"

GuL-e-Tasbeeh · September 15, 2002, 5:26pm

uffff baaR baaR Noon :-(

nigaahoN sey zaahir nahiN diL kii haaLat
ishaaroN ko samjho tou sub jaan Lo gey

Next ye*

Amal · September 15, 2002, 5:31pm

ufff...baar baar ye :(

**
Ye na shabnam hey na bhatkey huwey taaroN ka hajoom
raat ki laash pe tapkey heiN sehar ke aansu

"wao" (happy?:))

GuL-e-Tasbeeh · September 15, 2002, 5:35pm

wuh andheroN meiN ajab ik Roshnii ka khawaab hay
wuh UjaloN meiN charagh-e-Noor Lehraan-e-ka naam

Next: Meem* Happy :)

Amal · September 15, 2002, 5:41pm

:)

**
Meri hasratoN ki dharti saari umr rahey gi banjar
teri qurbatoN ke baadal kaheeN aur jaa ke barsey
teri aarzu ko ley kar meiN kahaaN kahaaN na bhatka
par mili na koi bashaarat mujhey moj'zoN ke dar sey

"ye"

off for now...see you later...:)