Re: Bait Bazi - June 2013
Yahi hai zindagi, kuchh Khaak, chand ummeedeN
Inhi khilonoN se tum bhi bahal sako to chalo
Re: Bait Bazi - June 2013
**Iss Basti ke Ik koochey mein , Ik Insha Naam ka Deewana
Ik naar pe jaan ko Har gaya , mash'hoor hai uss ka afsaana
Uss naar mein aisa roop na tha , jis roop se din ki dhoop dabbey
Iss shehar mein kya kya gori hai , mehtaab rukhey gulnaar labbey
Kuch baat thi uss ki baatoo'n mein,kuch bhaid they uss ke chitwan mein
Wuhi bhaid ke joat jagaatey hain , kisi chahney waaley ke mann mein
Ussey apna banaey ki dhun mein , hua aap hi aap se begaana
Iss basti ke ik koochey mein ik Insha naam ka Deewana
Na chanchal khail jawani ke , na payaar ki al'harh ghaatein thein
Bus raah mein unn ka milna tha aur phone pe unn ki baatein thein
Iss Ishq pe ham bhi hanstey they , behasil sa behasil tha?
Ik roz biphartey sagar mein , na kashti thi na sahil tha
Jo baat thi in ke ji mein thi , jo bhaid tha yaksar anjaana
Iss basti ek ik koochey mein , ik Insha naam ka deewana
Ik roz magar barkha rutt mein , wo bhaadoon' thi ya sawan tha
Deewar pe beech sumandar ke , yeh dekhney waloo'n ne dekha
mastana haath mein haath diye , yeh aik Kagar pe baithey they
youn Shaam hui phir Raat hui , jab Sailaani ghar laot gey
kya raat thi wo - ji chahta hai uss raat pe likhein Afsaana
iss basti ke ik koochey mein ik Insha naam ka deewana
Haa'n Umar ka saath nibhaaney ke they Ehad bohat Paimaan bohat
wo jin pe bharosa karney mein kuch sood nahi , Nuqsaan bohat
wo Naar yeh keh kar door hui - " majboori Sajan Majboori"
yeh wehshat se ranjoor huye aur ranjoori si ranjoori
uss roz hamein maloom hua , uss shakhs ka mushkil samjhana
iss basti ke ik koochey mein , Ik Insha naam ka deewana
Go Aag se Chaati jalti thi , Go Aankh se darya behta tha
har aik se dukh nahi kehta tha , Chup rehta tha Gham sehta tha
Naadaan hain wo jo chairtey hain , iss aalam mein deewanoo'n ko
uss shakhs se aik jawab mila , sab apnoo'n ko baigaanoo'n ko
"kuch aur kaho to Sunta hoo'n , iss Baab mein kuch mat farmana"
iss basti ke ik koochey mein ik Insha naam ka deewana
Ab aagey ka Tehqeeq nahi , go sun'ney ko ham suntey they
uss Naar ki jo jo baatein thein , uss Naar ke jo jo Qissey they
ik Shaam jo uss ko bulwaya , kuch samjhaya bechaarey ne
uss raat yeh qissa paak kiya , kuch kha hi liya dukhyaarey ne
kya baat hui , kis toar hui ? Akhbaar se logoo'n ne jana
iss basti ke ik koochey mein , ik Insha naam ka deewana
Har baat ki khoj to theek nahi , tum ham ko kahani kehney do
Uss naar ka naam maqam hai kya , iss baat pe parda rehney do
ham se bhi soda mumkin hai , tum se bhi jafa ho sakti hai
yeh apna bayaa'n ho sakta hai , yeh apni Katha ho sakti hai
wo naar bhi aakhir pachtaayi , kis kaam ka aisa pachtaana?
iss basti ke ik koochey mein , ik Insha Naam ka deewaana**
Re: Bait Bazi - June 2013
Farhaan bait bazi mai aapko last post k last word k beginning ya end letter se aik maqta' post krna hota hai...2-4 lines ka.
Re: Bait Bazi - June 2013
Yahi hai zindagi, kuchh Khaak, chand ummeedeN Inhi khilonoN se tum bhi bahal sako to chalo
Wo bichra is ada se k rutt ki badal gayee ,
Ik shaks saarey shehar ko weeraan ker gayaa !
Re: Bait Bazi - June 2013
ab ter'e shahr meiN aauNga musaafir ki tarah
saaya-e-abr ki maanind guzar jaauNga
Re: Bait Bazi - June 2013
Ab ke hum bichre to shayad kabhi khwabon mein milein
Jis tarah sookhey hue patte kitabon mein milein
Tu Khudah hai na mera ishq Farishton jaisa
Dono insaan hain to kyun hijabon mein milein !
Re: Bait Bazi - June 2013
nukta-cheeN hey, gham-e-dil us ko sunaey na baney
kya bane baat, jahaN baat, banaey na baney
meiN bulata to hooN usko magar aey jazba-e-dil
us pe ban jaaey kuch aesi ke bin aey na baney
Re: Bait Bazi - June 2013
ya jo zindagi ki kitab hai
ya kitab bhe kia kitab hai
kaheen aik haseen sa khauab hai
kahen jaan laiwa azab hai
Re: Bait Bazi - June 2013
Ek tum hi ‘Faraz’ na thay tanha! ab ke to bulaawa jab aaya
Ek bheeR lagi thi maqtal mein her dard ka mara us din tha
Re: Bait Bazi - June 2013
Aik Nafrat He Nahi Duniya Mein Dard Ka Sabab
Mohabbat Bhi Sakoon Waloon Ko Bari Takleef Deti Hai
Re: Bait Bazi - June 2013
Hum ne maana ke bohat dair hai hashar aney tak,
Chaar janib teri aahat ho to soyen kese
Re: Bait Bazi - June 2013
Ye Apni Tark-E-Mohabbat Bhi Kya Mohabbat Hai,
Jinhe Bhulaate Hain Vo Yaad Aaye Jaate Hain.
Re: Bait Bazi - June 2013
Ye husn ki adaa hai ya mein nashey mein hun..?
Kahin chand bhi chupa hai pardey ki ott mein..
meem/noon
Re: Bait Bazi - June 2013
Nateejatan hamaiN mahroom e khaab hona paRa
HaqeeqatoN ne kaRe imtehaaN hamare liye
Re: Bait Bazi - June 2013
Yeh Duniya Sirf Khushi Mein Saath Deete Hai
Iss Liye Hum Apne Aansoon Ko Chupa Kar Rakhte Hain
heh/noon
Re: Bait Bazi - June 2013
Yeh Duniya Sirf Khushi Mein Saath Deete Hai Iss Liye Hum Apne Aansoon Ko Chupa Kar Rakhte Hain
heh/noon
nahi hai na umeed iqbal apni kasht-e-weeran say
zara num ho tu yeh mati bari zarkheez hai saqi...
Re: Bait Bazi - June 2013
Sitam ho k ho wada-e-behijabi
Koi bat sabr-azma chahta hun
heh/noon
Re: Bait Bazi - June 2013
Sitam ho k ho wada-e-behijabi Koi bat sabr-azma chahta hun
heh/noon
Na gul khilay hain, na un se milay, na mae pi
Ajab rung mein ab k bahaar guzri hai
Re: Bait Bazi - June 2013
Ye dil zakhmi hai ik roz bhar hi jaye ga
Shagaaf pur nahi hotay faqat chataan’on k
kaaf/yeh
Re: Bait Bazi - June 2013
Kaun uThata shab E firaaq ke naaz
Yeh bala aashnaa hamiN se huii