Bait Bazi aik na'y andaz main

Arts & Culture Poetry ( Intikhaab & Sho'ra-e-Gupshup)
1

Bait bazi ko iss na’y andaaz main shorow karnay na maqsad yeh hay keh alif aur yea say shorow honay walay sheron kay elawa dosray haroof say shorow honay walay ash’ar say bhi mehzooz howa ja sakay.

**Rules of Bait Bazi **

  1. next shair pehlay shair kay 2nd last harf say shorow kya ja’y ga
  2. aur har shair ka 2nd last harf mention kya ja’y ga
  3. agar poet ka naam pata ho tou zaroor likhien
  4. 2 shairon say ziyada na likhien
  5. filmi ganay shamil nahien hon gay
2

Re: Bait Bazi aik na'y andaz main

^^yeh kon sa andaaz hai bait bazi ka?

3

Re: Bait Bazi aik na'y andaz main

wo andaz jo sirf inki apni samajh main aa sakta hei!

4

Re: Bait Bazi aik na'y andaz main

bh'i iss main na samjhnay wali kya baat hay Aap khud dkehien keh jab ham last hurf say next shair start kartay kartay hian tou taqreeban 90% alif ya yea hi last main aata hay lekin agar last say pehla harf lay kar us say shair likhien gay tou baqi hroof-e-abjad say shorow honay ashaar bhi bait bazi main shamil ho jaien gay
agar aap ko acha nahien laga tou yahan koi zabardasti tou hay nahien har aik ki apni pasand hoti hay aur us ko us kay mutabiq chalnay ka pura haq hota hay lekin iss ka yeh matlab tou nahien hay na kisi ko us ki tehzeek ka ehsas dilaya ja'y :)

5

Re: Bait Bazi aik na'y andaz main

sorry dears yahan mujh say ghalti ho gai thi hain asal main main bilkul na'i hun aur life main pehli baar main kisi forum main shamil hoi hun iss lyay kal ghalti say yeh blank post ho gya isi topic ka aik dosra thread hay agar aap pasand karien tou usay check kar lain
bahar haal ghalti meri hay main kal koshish kay bawajood isi delete nahien kar saki shayad topic post kar kay delete na hota ho ya agar ho sakta hay tou mujhay bhi bata dain
thanx

6

Re: Bait Bazi aik na'y andaz main

tu nay yun dekha keh jesay kabhi dekha na ho
main tou dil per teray qadmon kay nisha.N tak dekho.N

Wa'o
<!-- / message -->

7

Re: Bait Bazi aik na'y andaz main

wo muajazaat ki had tak puhanch gaya hai qateel
haroof koi bhi likho usi ka ism banay

noon

8

Re: Bait Bazi aik na'y andaz main

na sawal-e-was'l na arz-e-gham na hikayatien na shikayatien
teray ehad main dil-e-zaar kay sabhi ikhtyar chalay ga'y

gaaf

9

Re: Bait Bazi aik na'y andaz main

guzar to jaye gi, teray baghair bhi laikin
buhat udas buhat beqarar guzray gi

gaaf

10

Re: Bait Bazi aik na'y andaz main

guzar gya wo zamana kahien tou kis say kahien
khayal dil ko meray sunbh-o-sham kis ka tha

Dagh Dehalwi

hey

11

Re: Bait Bazi aik na'y andaz main

husn kuch aur simat aata hai un ankhon main
muskaratay huay jab baat chupaye koi

wao

12

Re: Bait Bazi aik na'y andaz main

wohi sham-e-sabar ruki hoi, wohi mosmo.N main sakot hay
wohi bay sabab si hay zindagi, na jawaz hay na saboot hay

Dr. Tariq Aziz

hey

13

Re: Bait Bazi aik na'y andaz main

Har Mulaqaat pe meHsoos yahi hota hai~
Mujh se kuch teri Nazar pooch rahi ho jaise

se
seen

14

Re: Bait Bazi aik na'y andaz main

sub'ha dam dekha tou sara bagh tha gul ki taraf
shama kay taboot pe roya na parwana koi

wa'o

15

Re: Bait Bazi aik na'y andaz main

wo ashk ban kay meri chashm-e-tar main rehta hai
ajeeb shakhs hai pani kay ghar main rehta hai

hey

16

Re: Bait Bazi aik na'y andaz main

har ik baat pe kehtay ho tum keh tu kya hay
tumhien khao keh yeh anda-z-guftagu kya hay

Mirza Ghalib

hay

17

Re: Bait Bazi aik na'y andaz main

Hum na hon ge to kisi or ke charchay hon ge
khalqat-e-shehar tou kehnay ko fasanay mange

Ye

18

Re: Bait Bazi aik na'y andaz main

ham na hon gay tou kisi aur kay charchay hon gay
khalqat-e-shehar tou kehnay ko fasanay mangay

Gaaf

Gulon main rang bharay bad-e-nou bahar chalay
chalay bhi aa'o keh gulshan ka karobar chalay

Lam

19

Re: Bait Bazi aik na'y andaz main

thanks for the corrections.

Lag jae zamane ki hawa jane usse kab
wo shakhs bhi insan hei kuch keh nahi sakte

20

Re: Bait Bazi aik na'y andaz main

Tarraptey huwey ashqoN meiN hiddat thi is qadar
aaNkhoN meiN meri jhulasti hui dal'dal si ban gai
**
**By: Amal