Re: Bait Bazi — I-2006
Hum Se Mat Pooch Rastey Gher Ke
Hum Musafir Hain Zindagi Bher Ke
Re: Bait Bazi — I-2006
ek din tu baso meri ankhon mai
phir khwab ager ho jao tu kiya
hai yon bhi ziyan or yon bhi ziyan
ji jao tu kiya mer jao tu kiya
Re: Bait Bazi — I-2006
Aay kuch abr kuch sharab aaye
uske baad aaye jo azaab aaye
iss tarha apni khamoshi goonji
goya her simt se jawab aaye
Faiz Ahmed Faiz
Re: Bait Bazi — I-2006
us ne kahaa sun
ahad nibhaane kii Khaatir mat aanaa
ahad nibhaanevaale aksar majabuurii yaa
mahajuurii kii thakan se lauTaa karate hai.n
tum jaao aur dariyaa dariyaa pyaas bujhaao
jin aa.Nkho.n me.n Duubo
jis dil me.n bhii utaro
merii talab aavaaz na degii
lekin jab merii chaahat aur merii Khvaahish kii lau
itanii tez aur itanii uu.Nchii ho jaaye
jab dil rode
tab lauT aanaa.............
Ahmed Faraz
Re: Bait Bazi — I-2006
app kae bar mil chukay hotay
aap miltay ager duaon say
Re: Bait Bazi — I-2006
aap kae bar mil chukay hotay
aap miltay ager duaon say
Re: Bait Bazi — I-2006
aap kae bar mil chukay hotay
aap miltay ager duaon say
Re: Bait Bazi — I-2006
Yoon to mai hans para hoon tumharey liye magar
kitney sitarey toot parey ik hansi ke sath
Re: Bait Bazi — I-2006
hazaron dukh parain sehna,mohabbat mar nahi sakte
hai tum say bass yehe kehna,mohabbat mar nahi sakte
Re: Bait Bazi — I-2006
ek dard ki nisbat say bhi miljaye gi duniya
tum apnay fasanay mai mera zikr na kerna
Re: Bait Bazi — I-2006
**ek arz-e-vafaa bhii kar na sake kuchh kah na sake kuchh sun na sake
yahaa.N ham ne zabaa.N hii khole thii vahaa.N aa.Nkh jhukii sharamaa bhii gaye
aashuftagii-e-vahashat kii qasam hairat kii qasam hasarat kii qasam
ab aap kahe kuchhh yaa na kahe ham raaz-e-tabassum paa bhii gaye
ruudaad-e-Gam-e-ulfat un se ham kyaa kahate kyo.nkar kahate
ek harf na nikalaa hoTho.n se aur aa.Nkh me.n aa.Nsuu aa bhii gaye
arbaab-e-junuu.N pe furkat me.n ab kyaa kahiye kyaa kyaa guzaraa
aaye the savaad-e-ulfat me.n kuchhh kho bhii gaye kuchhh paa bhii gaye**
Majaz Lukhnawi
Re: Bait Bazi — I-2006
ek rooh ki feryad ne choonka diya mujhey
to ab to mujhey jism ke zindan se reha ker
Re: Bait Bazi — I-2006
raat k akhre peher tak
me leta raha hichkian
aur
phir sogayay tum
Re: Bait Bazi — I-2006
MERI DIWANGI PER IS QADAR HAIRAN HOTAY HO
MERA NUQSAN TU DAIKHO MOHABBAT GUMSHUDA MERI
Re: Bait Bazi — I-2006
Ye samajh kar tujhe ay maut lagaa rakha hai
kaam aata hai bure waqt mein aana tera
tuu jo ay zulf parishaan raha karti hai
kis ke ujhre huay dil mein hai thikana tera
Daagh Dehlvi
Re: Bait Bazi — I-2006
aap ankhon ki baat kertay hain
ker diya dil ko kerbala us nay
Re: Bait Bazi — I-2006
Yun to aankhon mein hai ansoo na lab pa gila
ahle dil saans bhi lete hain tu aahon ki tarha
hum ne her gham ko urhadi hai tabassum ki rida
dil ke zakhmon ko chupaya hai gunahon ki tarha
Shameem Jaipuri
Re: Bait Bazi — I-2006
abhi tak dil mai hai ik yaas baqi
chunacha tum ho meray pass baqi
abhi darya bahut pina hai isko
samander ki bahut hai pyaas baqi
Re: Bait Bazi — I-2006
Ye dil ki baat jo lab taq kabhi nahi aaee
wo be-niyaaz-e-mohabat samajh gaya kaese
wahi zameen hai wahi aasmaan wahi hum tum
sawal ye hai zamana badal gaya kaese
Shameen Jaipuri
Re: Bait Bazi — I-2006
baat karni mujhe mushkil kabhi aesi to na thi
jesi ab hai teri mehfil kabhi aesi to na thi
le gaya loot ke koun aaj mera sabr o karaar
bekaraari tujhe ae dil kabhi aesi to na thi