Bait Bazi — I-2006

Arts & Culture Poetry ( Intikhaab & Sho'ra-e-Gupshup)
181

Re: Bait Bazi — I-2006

Naarasaee se dam ruke to ruke
main kisi se khafaa nahi hota

kyun sune arz-e-muztarib ay Momin
sanam aakhir khuda nahi hota

Momin khan Momin

182

Re: Bait Bazi — I-2006

EhmmEhmm...

Naazuki un k lab ki kya kahiye
Pankharri ik gulaab ki c hai
:)

183

Re: Bait Bazi — I-2006

Azal k din se hai matti kharaab aashiq ki
Ye musht-e-khaak yunhi khwaar hoti aati hai
Ilaahi khair ho, wo khashm-naak aate hain
Kuch apne aap hi guftaar hoti aati hai

(Daagh)

ye

184

Re: Bait Bazi — I-2006

** Youn Khayalon Main Tere Lahje Ki Narmi Aaye**
** Tu Na Bole To Teri Aankh Ka Jadu Bole !!**

Aaj kya pakaaya/khaaya
185

Re: Bait Bazi — I-2006

Ye kahaan ki dosti hai k bane hain dost naaseh
Koi chaara-saaz hota, koi gham-gusaar hota !
(Ghalib)

alif

186

Re: Bait Bazi — I-2006

**ankh ko jaam samajh baitha tha anjaane mein
saaqiya hosh kahan tha tere diwanne mein
jaane kis baat ki un ko hai shikayat mujh se
naam tak jin ka nahin hai mere afsane mein **

noon

187

Re: Bait Bazi — I-2006

Naseem-e-subha gulshan mein gulon se khelti hogi
kisi ki aakhri hichki kisi ki dilagi hogi

tumhe daanista mehfil mein jo dekha hoon tu mujhrim hoon
nazar aakhir nazar hai be-iraada uth gaee hogi

Seemab Akbarabadi

188

Re: Bait Bazi — I-2006

yaaro kisi qatil se kabhii pyaar na maango
apanay hi galay k liye talavaar na maango

189

Re: Bait Bazi — I-2006

Waqt jo mere iqhtiyaar mein tha
main usee waqt ke hisaar mein tha

kheench laaya usey bhi maqtal taq
wo jo ik lutf iqtadaar mein tha

Anees Amrohi

190

Re: Bait Bazi — I-2006

^ very nice

abhi iss taraf na nigah kar mein ghazal ki palkein sanwaar loon
mera lafz lafz ho aaina tujhe aaine mein utaar loon

noon

191

Re: Bait Bazi — I-2006

Nafrat ka gumaan guzre hai main raskh se guzra
kyun kar kahuun lo naam na uss ka mere aage

mat pooch ke kya haal hai mera tere peeche
tuu dekh ke kya rang hai tera mere aage

Ghalib

192

Re: Bait Bazi — I-2006

Yaqee(n) nahi hai magar aaj bhi ye lagta hai
Meri talaash mein shaayad bahaar aaj bhi hai

ye

193

Re: Bait Bazi — I-2006

yeh jo hai hukm mere paas na aaye koi
iss liye rooth rahe hain ke manaaye koi

194

Re: Bait Bazi — I-2006

Yeh Kah dena Ke Unse Kuch Gila Shikwa Nahi Hum Ko
Magar Kuch Log Yuonhi Besabab Achhe Nahi Lagte !

195

Re: Bait Bazi — I-2006

Ye aik khatra sar-e-mishgaan hai lekin
samandar uske peeche araha hain

Tasawwur Hussain

196

Re: Bait Bazi — I-2006

NAJANAY KAUN MERA KHO GAYA HAI MATTI MAI
ZAMEEN KURAIDTI REHTI HAIN UNGLIYAN MERI

197

Re: Bait Bazi — I-2006

Ye aish-o-tarb ke matwaale bekar ki batein karte hain
paayal ke ghamon ka ilm nahi jhankar ki batein karte hain

naahaq hai hawas ke bandon ko nazzara-e-fitrat ka daawa
aankhon mein nahi hai betaabi deedar ki batein karte hain

Shakeel Badayuni

198

Re: Bait Bazi — I-2006

Bohat Achhe Althea !
"yeh jo hai hukm mere paas na aaye koi
iss liye rooth rahe hain ke manaaye koi"
--------
Aaha Mir G !
"Ye aik khatra sar-e-mishgaan hai lekin
samandar uske peeche araha hai"

Aur Shakeel Sahab k to ham waise hi fan hain.Kya kehne un k!!!
--------
Rabia G ! Kya Khene Wah!
"NAJANAY KAUN MERA KHO GAYA HAI MATTI MAI
ZAMEEN KURAIDTI REHTI HAIN UNGLIYAN MERI"
--------

199

Re: Bait Bazi — I-2006

shukriya bhai zamil ...

200

Re: Bait Bazi — I-2006

Na kar dein mujh ko majboor-e-nava firdaus mein hoorein
Mera soz-e-daroo(n) phir garmi-e-mehfil na ban jaaye
Urooj-e- aadam-e-khaaki se anjum sehme jaate hain
K ye toota hua taara meh-e-kaamil na ban jaaye
(Iqbal)

ye