Bait Baazi Month Of March 2009

Arts & Culture Poetry ( Intikhaab & Sho'ra-e-Gupshup)
1

**Rules of Bait Bazi:

1.** Shair should be genuine and not your own. Post your own in Bait Bazi — Personal Edition of Sho’ra-e-Gupshup.

2. Dont break the chain and always follow the last letter of the last posted shair.

3. Always mention the last urdu alphabet of your shair.

**4. **If you know the name of the poet, mention that (for other’s knowledge sake).

5. Do not write out the whole ghazal/nazam; only two shairs (i.e. Rubai, qita) at max will be allowed.

Last Sher Was posted by being lonely

Yuun jo takataa hai aasamaan ko tuu
Koii rahataa hai aasamaan mein kyaa

Alif

2

Re: Bait Baazi Month Of March 2009

Iss sheher-e-be' charag mein jaaye gii tuu kahan
aa aey shab-e-firaaq tujhayy ghar hee le chalonn

Noon

3

Re: Bait Baazi Month Of March 2009

nahi nigaah mein manzil to justaju hi sahi
nahi visaal mayassar to aarazu hi sahi

na tan mein Khun faraaham na ashk aankhon mein
namaaz-e-shauq to vaajib hai be-vazu hi sahi

"ye"

Pakistan v India - 1st ODI
Pakistan v India - 1st ODI
4

Re: Bait Baazi Month Of March 2009

ye tum ne theek kaha hai tumhein mila na karun,
magar mujy ye bata do kay keoon udaas ho tum

(sahar ludheyanwi)

meem

5

Re: Bait Baazi Month Of March 2009

matlab ki duniya hai
yahan kaun kisi ka hota hai
wohi dhoka dehta hai
jispar bharosa hota hai

'ye'

6

yohi besabab na phira karo kisi sham ghar bhi raha karo
woh ghazal ki sachi kitaab hai usay chupkay chupkay parha karo

wao

7

Re: Bait Baazi Month Of March 2009

vaaN nahiin vaqt to ham bhii hain adiim-ul-fursat
us se kyaa kahiye jo har roz kahe kal milanaa

Alif

8

aya hi tha yaad kay ankhain chalak gaye
ansoo kisi ki yaad mai itnay kareeb hain

ye

9

Re: Bait Baazi Month Of March 2009

ye kaun aansuon ki saza de gya mujy
jeeny ki jaty jaty dua day gya mujy..

ye

10

Yay soocha tha teri khatir ka'ee moti nikalooN ga
MaiN jis rastay maiN tha, us maiN samander hi nahiN aaya

" Alif "

11

inhi patharoo par chal kar asakoo to aoo
meray ghar kay rastay mai koi kehkisaan nahi hai

ye

12

Re: Bait Baazi Month Of March 2009

Yaar thaa gulzaar thaa baad-e-sabaa thii main na thaa Laayaq-e-paa-bos-e-jaaN kyaa hinaa thii main na thaa **Alif**
13

Re: Bait Baazi Month Of March 2009

Apni wehshaton pe b yeh khamoshi Hafeez`
hum ko kisi toofan ki amad ka pata dayti hai

Yeh

14


ye bazi ishq ki bazi hay jo chaho laga do dar kesa
gar jeet gaey to kya kehna haray bhi to bazi maat nahi

ye

15

Re: Bait Baazi Month Of March 2009

Yeh keh kar kaat dee zabanain ehl-e-daanish ne
na ho mussarif kissi shay ka to wo bekar hoti hai
suron ki fasl pakne ka koii mausam nahinn hotaa
kabhi matlaq sadaqat b zameen par baar hoti hai

Yeh

16
ya rub gham-e-hijraan mai itna to kya hota jo hath dil par hai wohi dast-e-dua hota

alif :chai:
17

Re: Bait Baazi Month Of March 2009

Usse taraash ke heera bana diyaa hum nayy Faraz`
magar ab ye sochte hain usse hum khareedein kaise

Yeh

18

Yeh meri kitaab-e-hayaat hai, issay dill ki ankh sey perh zaraa
Mein warq warq teray samnay, teray ro-baroo, teray saath hoon

19

Re: Bait Baazi Month Of March 2009

**Na **Haara Hay Ishq Na dunyaa Thaki hay
Diya Jal Raha Hay Hawaa Chal Rahi Hay
Aray O Jafaao'n Pay Chup Rahnay Waloo'n
Khamooshi Jafaa'on Ki Taa'eed Bhi Hay

Yay

20

Re: Bait Baazi Month Of March 2009

Yeh soch kar ke ab koii mananay nahin aaye ga
harr baat pe rooth janay kii aadat nahinn rahee

Yeh