Baich aye sir-e-Qariya-e-zar jo Bahr-e-pindaar

Arts & Culture Poetry ( Intikhaab & Sho'ra-e-Gupshup)
1

Haami bhi na thay, munkir-e- Ghalib bhi nahi thay
hum ehl-e-tazabzub kisi janib bhi nahi thay!!

iss bar bhi Duniya ney Hadaf Hum ko bnaya!
iss bar to hum Shah k msahib bhi nahi thay

Baich aye sir-e-Qariya-e-zar jo Bahr-e-pindaar
Jo Daam miley aisey munasib bhi nahi thay !!!

mati ki muhabat mein hum aashufta siron ney
wo qurz utarey hein k wajib bhi nahi thay!!

lo deti hoi raat, sukhan kerta hoa din !!!
sab uss k liey, jis se mukhatib bhi nahi thay
Iftikhar Arif

2

Re: Baich aye sir-e-Qariya-e-zar jo Bahr-e-pindaar

mati ki muhabat mein hum aashufta siron ney
wo qurz utarey hein k wajib bhi nahi thay!!

:hinna: Per mulk ke liye jitna bhi karo kam hota hai

3

Re: Baich aye sir-e-Qariya-e-zar jo Bahr-e-pindaar

Bohat Khoob…

4

Re: Baich aye sir-e-Qariya-e-zar jo Bahr-e-pindaar

kalaam to achchhaa hai magar:

bhai, qarz to qarz hotaa hai jo hamesha hii waajib ul adaa huaa kartaa hai…yeh waajib, farz, masnoon kahaaN se aa gayaa? lagtaa hai shaa’ir kii majboorii-e-qaafiya_bandii thii lol :smiley:

thank you for sharing! :slight_smile:

5

Re: Baich aye sir-e-Qariya-e-zar jo Bahr-e-pindaar

Shayar ka matlab hai kisi aur pe wajib ul ada qarza uss ne utara hai… wohi purana rona dhona ‘ye sab to hamen virse main mila hai’

6

Re: Baich aye sir-e-Qariya-e-zar jo Bahr-e-pindaar

i don’t think so…vo to apne qarze kii baat karing :smiley: yeh ‘ronaa dhonaa’ to jab tak ‘poora qarz’ nahiiN adaa ho jaayegaa…chaltaa rahegaa :smiley:

7

Re: Baich aye sir-e-Qariya-e-zar jo Bahr-e-pindaar

waise aashufta sir kia hota hai KKF?

8

Re: Baich aye sir-e-Qariya-e-zar jo Bahr-e-pindaar

you are asking for it’s literal meaning or the implied meaning? :smiley:

9

Re: Baich aye sir-e-Qariya-e-zar jo Bahr-e-pindaar

donon.. waise kia iss naam ka koi shayar bhi guzra hai aashufta kaanpuri?

10

Re: Baich aye sir-e-Qariya-e-zar jo Bahr-e-pindaar

aashufta sar = saiRii, saudaaii, paagal, deevaana, majnoon

aashufta Kanpurii kaa to nahiiN pataa, haaN **“aashufta Changezii” **ek guzre haiN jinkii yeh Ghazal hai:

Ye bhi nahi bimar na the
itane junoon asar na the

logo ka kya zikr karain
hum bhi kam ayyar na the

ghar main aur bahut kuch tha
sirf dar-o-divar na the

sab par hansna shewah tha
jab tak Khud us par na the

teri Khabar mil jati thi
shahar main jab aKhbar na the

pahle bhi sab kuch bikta tha
Khwaboo ke bazar na the

11

Re: Baich aye sir-e-Qariya-e-zar jo Bahr-e-pindaar

Thanks KKF. Aashufta sir matlab jis ka damagh ghoon gaya ho

12

Re: Baich aye sir-e-Qariya-e-zar jo Bahr-e-pindaar

poora na ghooma ho…bas 379 degree hii tak…agar 380 degree ghooma to to vo to normal ho jaayegaa…maximum 379 hii ghoom saktaa ahi deevaangii ke liye…aisaa Bollywood meN hotaa hai! :smiley:

13

Re: Baich aye sir-e-Qariya-e-zar jo Bahr-e-pindaar

Bollywood ki ek alag hi dunia hai :hehe:

14

Re: Baich aye sir-e-Qariya-e-zar jo Bahr-e-pindaar

dunyaa-e-dunii, to be exact!:smiley: