hai phoolon ki daali yeh baahein tumhari
hai khamosh jaadoo nigahein tumhari
jo kaante ho sab, apne daaman mein rakh loon
sajaoon mein kaliyon se raahe tumhari
nazar se zamaane ki khud ko bachana
kisi aur se dekho dil na lagaana
ki meri amaanat ho tum
bahot khoobsoorat ho tum
hai chehra tumhara ki din hai sunehra
aur us par yeh kaali ghataon ka pehra
gulaabon se nazook mehekta badan hai
yeh lab hai tumhare ki khilta kanwal hai
bikheron jo zulfein to sharmaye badal
yeh zahid bhi dekhe to ho jaye paagal
woh paakeeza moorat ho tum
bahot khoobsoorat ho tum
jo banke kali muskuraati hai aksar
shab-e-hijr mein jo rulaati hai aksar
jo lamhon hi lamhon mein duniya badal de
jo shayir ko de jaye pehlo ghazal ke
chupaana jo chahye chupayi na jaye
bhulana jo chahe bhulayi na jaye
woh pehli mohabbat ho tum
bahot khoobsurat ho tum
bahot khoobsoorat ho tum
kabhi mein jo kehdoon, mohabbat hai tumse
to mujhko khudaara… ghalat mat samajhna
ki meri zaroorat ho tum
bahot khoobsoorat ho tum
**
- Tahir Faraz -
