kaise mizaaj haiN aap logoNke? ummeed hai ki ba_Khair hoNge.
maiN aaj aapkii Khidmat meN Bahaadur Shaah “Zafar” kii “deRh iiNTii Ghazal” [yeh merii istilaaH hai :D] pesh kar rahaa huuN. Hairaan na hoiye. yeh ek poorii Ghazal AUR koii dusrii AADHI Ghazal nahiiN hai balki qissa yeh hai ki yeh ek sinf-e-suKhan hai jo Ghazal goyii kii ek aisii haiyat hai jis meN ek lambii behr kii Ghazal aur uske saath saath hii ek dusri chhoTi bahr kii Ghazal motavaazii kahii jaatii hai…neez, jis meN do alai’da alai’hda radeef aur qaafiya hote haiN. maiN jo kah raha huN vo aapko yeh Ghazal paRh kar bakhoobhi andaaza ho jaayega. maze kii baat to yeh hai ki donoN GahzloN meN baa_ham rabt o zabt baRa hii dil-chasp aur ustuvaar hota hai.
in GhazloN, FULL Ghazal and MINI Ghazal, ko agar alag alag paRhaa jaaye to baa-ma’nii haiN aur agar saath saath milaa kar paRhaa jaaye to vo bhii iske ba_Ghaayat-e-tafheem o istehfaam koi farq nahiiN paRegaa aur yehii is Ghazal kii Khooobiii aur shaa’ir kii mahaarat kii nishaan-dehii kartii hai
to, deRh Ghazal mulaaHizah farmaaiye…ummeed hai ki aap is sinf e Ghazal goyii se muta’ssir hoNge. is taraH kii Ghazal kahnaa mere Khayaal se devhRa nahiiN balki dugna tiguna mushkil hai.
to Ghazal mulaaHizah farmaaiye** [note kijiyegaa k donoN GhazloN ke apne apne radeef o qawaafii haiN jo Ghazal kaa taqaazaa hote haiN]****:
Re: Bahadur Shah "Zafar" kii ek "deRh iiNTii" Ghazal!
Aap ki dil joi ke liye Ghalib kafi na the kia?
Ghalib kii shaa'irii zehn ko jagaatii hai aur Zafar kii Ghazaliyaat rooH to taRpaatii haiN! bas, yehii farq hai! :)
Re: Bahadur Shah "Zafar" kii ek "deRh iiNTii" Ghazal!
Unn k ek shair ke bare main to khair main bhi keh sakta hoon ke unke walid buzrugwar ki rooh bhi taRap gai hogi
lol! aur, unkii Khud kii rooH [jab ham unke kalaam kii paiwandkaarii karte haiN]? vo to qabr se nikal ke bhaag khaRii hotii hogii! :D
Re: Bahadur Shah “Zafar” kii ek “deRh iiNTii” Ghazal!
jahaN thaa jism vahiiN dil bhii jal gayaa hogaa
ab aise meN rooH bhii to vahiiN hogii yeh tamaasha dekhne ko…maiN ne to az reh-e-guft kahii thii vo baat!
mujhe to ilm nahiiN k vo she’r kaun saa hai magar ho saktaa hai k yeh rahaa ho:
**
letaa huN maktab-e-Gham-e-dil meN sabaq hanoz
ya’nii yehii k “raft” gayaa aur “bood” thaa!**
Ghalib se chachaa Ghalib ban gaye magar abhii tak mausoof “raft o bood” par aTek huye haiN lol
ab, aapkii baarii hai…bataaiye k kaun saa she’r thaa vo?
… aur, agar shaa’irii na karte to ham jaisoN kii dil-jooii kaise hotii? 
