Bahaar

Arts & Culture Poetry ( Intikhaab & Sho'ra-e-Gupshup)
1

bahaar aee

to jaisay yak-baar loat aey
hein phir adam se
wo khwaab saaray
shabaab saaray

jo tere honton pe mar mitay thay
jo mit k har baar phir jiye thay

nikhar gaey hein
gulaab saaray
jo teri yaadon se mushkabuu hein
jo tere ushaaq ka lahuu hein
ubal paray hein
azaab saaray

malaal-e-ehwaal-e-dosta’n bhi
khumaar-e-aaghosh-e-maykasha’n bhi
ghubaar-e-khaatir k baab saaray
tere hamaray sawaal saaray
jawaab saaray

bahaar aee
to khul gaey hein naey siray se
hisaab saaray …

BAHAAR AA CHUKI HAI. Sho’ra ka pasandeeda mosam. Anybody who wants 2 share stuff regarding “BAHAAR” is most welcomed.

2

Re: Bahaar

nice...................:)

3

Re: Bahaar

Bahaar ka tou abhi door door taq koi naam-o-nishaaN nahi anyhow Tina sani ney buhat achi sung ki hey, thanku for sharing aabla_pa:k:

4

Re: Bahaar

Lahore mein to BAHAAR aa gaee hai. DOnt know which part of the world u live. :)

Facebook...whats the big deal?
5

Re: Bahaar

aa gaee fasle-janoo'n chaak gir-e-baa'n waalo
sil gaey hont koi zakhm silay ya na silay
dosto bazm sajaao k bahaar aee hai
khil gaey zakhm koi phool khilay ya na khilay

6

Re: Bahaar

Boht khoob !!

7

Re: Bahaar

nice

8

Re: Bahaar

hmm nice waisay khi main bh agae hahahah tc

9

Re: Bahaar

good...

10

Re: Bahaar

Thanx. Everybody 4 the comments. But aap friends kuch contribute nahi kar rahay. Mujhay hi sari mehnat karni par rahi hai :chai:

@ SN : Lagta to nahi k KHI mein bahaar aee hai. Aee hai to kuch irshaad karein. Hamein b pata chalay :blush:

11

Re: Bahaar

sau baar chaman mehka
sau baar bahaar aee

dunya ki wohi ronak
dil ki wohi tanhaee

ek lehza bahay aansu
ek lehza hansi aee

seekhay hein naey dil nay
andaaz-e-shakeebaee

dekhay hein bohot hum ne
hangaamay mohabbat k

aghaaz bhi ruswaee
anjaam bhi ruswaee

har dard-e-muhabbat say
uljha hai gham-e-hasti

kya kya hamein yaad aaya
jab yaad teri aee

ye bazm-e-muhabbat hai
is bazm-e-muhabbat mein

deewanay bhi shedaee
farzaanay bhi shedaee

12

Re: Bahaar

utha kar choom li hein chand murjhaee hui qaliya’n
na tum aey to youn jashn-e-bahaara’n kar liya mein nay
**:flower2:
:frowning:
**

13

Re: Bahaar

good one...