-- badal geya tou kya huwa--

[Amal]

Re: – badal geya tou kya huwa–

@GuL-e-Tasbeeh

badal gaya to kiya huwa..ke dil ka woh bura nahin
usay yooN bad’dua na do…woh shakhs bay wafa nahin

ajab hi zaabtay rahay..nazar ke is dayaar main
jo aik bar gir gaya…to phir say woh utha nahin

na kholna yahaN ke dar..ke dil nagar ajeeb hey
jo zakhm ban geya yahaN…wuh umr bhar bhara nahin

kiyon manzilaiN alag huweeN? juda huwe kiyN rastay?
ya main ulajh gaii kahiN…ya wuh samajh saka nahin..!

hathailiyoN main aaj tak usi ka naam darj hai
main kaisay maan looN bhala..? mera woh ab raha nahin

khabar kiya ho sakay tujhe…ke main hooN kis azaab main!
tu bay rukhi ki aag main..meri tarha jala nahin

mehaz yeh farq reh gaya .. muhabbatoN ki dorr main
main uski ho gaii magar…woh mera ho saka nahin

Gul bohat khoobsoorat ghazal hey :k: Thanx a lot for sharing it with us