Bachpan ke dukH kitnay achaay hotay heiN
tab to sirf kHilonay toota karte thay
wo khushiyaN bhi jaanay kaisi khushiyaN theeN
titli ke par noch kar uchhla karte thay
paooN maar ke khud bearish ke paani meiN
apni nao aap dubaya karte thay
chhotay thay to mukr-o-fareb chhotay thay
dana daal ke chirya Pakra karte thay
ab to ek aaNsoo bhi ruswa kar jai
bachpan meiN jee bhar ke roya karte thay
khushboo ke urtay hi kiyuN murjhaya pHool
kitnay bholay pan se poochha karte thay
Irfan Ismail