BACHPAN KE DIN KITNAY ACHAY HOTAY THAY
TAB TU SIRF KHILONAY TOOTA KARTAY THAY
WO KHUSIYAN BHI JAANAY KAISI KHUSIYAN THEEN
TITLI KE PAR NOCH KAR UCHLA KARTAY THAY
PAO MAAR KAR KHUD BAARISH KE PAANI MAI
APNI NAO AAP DABOYA KARTAY THAY
AB SOCHAIN TU CHOT SI PARTI HAI DIL PAR
AAP BANA KAR AAP GHARONDAY TORA KARTAY THAY
CHOTAY THAY TU MAQAR_O_FAREB BHI CHOTAY THAY
DANA DAAL KAR CHIRIYAN PAKRA KARTAY THAY
APNAY JAL JAANAY KA BHI IHSAAS NAHI THA
JALTAY HOAY SHOLOAN KO CHERA KARTAY THAY
KHUSHBOO KE URTAY HI KYOUN MURJHAYA PHOOL
KITNAY BHOLAY PAN SE POOCHA KARTAY THAY
AAJ WOHI TASVEERAIN LAHU RULATI HAIN
BACHPAN MAI JO HUM NE SAPNAY DEKHAY THAY
AB TU IK BHI AANSOO RUSWA KAR JAATA HAI
BACHPAN MAI JEE BHAR KAR RO TU LETAY THAY…