Baaz Gasht

[ahm4me]

Re: Baaz Gasht

@saroo

Aisii hii sard shaam thii vo bhii
jab vo mahandii rachaaye haathon men
apanii aahat ke Khauf se larazaan
surkh aanchal men muunh chupaaye hue
apane Khat mujh se lene aai thii
us kii sahmi hui nigaahon men
kitanii Khaamosh iltijaayen theen
us ke chehare kii zard rangat men
kitanii majabuuriyon ke saaye the
mere haathon se Khat pakarate hii
jaane kyaa soch kar achaanak vo
meraa shaanaa pakar kar roi thii
us ke yaaquut rang honton ke
kup kapaate hue kinaaron par
sainkaroon ankahe fasaane the
sard shaamon men der tak aksar
jab ye manzar dikhaii detaa hai
ek lamhaa hinai haathon se
mujh ko apanii taraf bulaataa hai
ham nashin ruuth kar naa jaa mujh se
aisii hii sard shaam thii vo bhii

Aap ka intikhab bohat accha laga, khushi hay ke dunia main abhi bazaoq log mojood hain,

Thanx for sharing.

Friend4u4ever