**baad muddat unhen dekh kar yuun lagaa **
**jaise betaab dil ko qaraar aa gaya **
**aarazuuon ke gul muskuraane lage **
**jaise gulshan mein jaan-e-bahaar aa gayaa **
**tashnaa nazarein miliin shokh nazaron se jab **
**mai barasane lagii jaam bharane lagaa **
**saaqiiyaa aaj terii zaruurat nahin **
**bin piye bin pilaaye Khumaar aa gayaa **
**raat sone lagii subah hone lagii **
**shammaa bujhane lagii dil machalane lage **
**vaqt kii raushanii mein nahaaii huii **
**zindagii pe ajab saa nikhaar aa gayaa **
**har taraf mastiyaan har taraf dilkashii **
**muskuraate dilon mein Khushii hii Khushii **
**kitanaa chaahaa magar phir bhii uth na sakaa **
**terii mahafil mein jo ek baar aa gayaa **
