http://www.paklinks.com/gsmedia/files/81566/m.png
yun di hamain aazaadi ke duniya huwi hairaan
aey Qauid-e-Azam tera ehsaan hai ehsaan
har simt musalmaanon pe chaai thi tabaahi
mulk apna tha aur ghairon ke haathon mein thi shaahi
aise mein utha Deen-e-Muhammad ka sipaahi
aur naarah-e-takbeer se di tu ne gawaahi
Islam ka jhanda liye aaya sar-e-maidaan
aey Qauid-e-Azam tera ehsaan hai ehsaan
dekha tha jo Iqbal ne ek khuwaab suhaana
us khuwaab ko ek roz haqeeqat hai banaana
yeh socha jo tu ne to hansa tujh pe zamaana
har chaal se chaaha tujhe dushman ne haraana
maara woh tu ne daow ke dushman bhi gaey maan
aey Qauid-e-Azam tera ehsaan hai ehsaan
larne ka dushmanon se ajab dhang nikaala
na top, na bandooq, na talwaar, na bhaala
sacchaai ke anmol usoolon ko sambhaala
Jinnah tere paighaam mein jaadu tha niraala
eemaan waale chal parey sun kar tera farmaan
aey Qauid-e-Azam tera ehsaan hai ehsaan
punjab se, bangal se jawaan chal parey
sindhi, balochi, sarhadi pathan chal parey
ghar baar chor, be sar-o-saamaan chal parey
saath apne muhaajir liye Quraan chal parey
aur Qauid-e-Millat bhi chale hone ko qurbaan
aey Qauid-e-Azam tera ehsaan hai ehsaan
naqsha badal ke rakh diya is mulk ka tu ne
saaya tha Muhammad ka, Ali ka tere sar pe
duniya se kaha tu ne, koi ham se na uljhe
likha hai is zameen pe shaheedon ne lahu se
aazaad hain, aazaad rahenge yeh musalmaan
aey Qauid-e-Azam tera ehsaan hai ehsaan
hai aaj tak hamain woh qayaamat ki ghari yaad
maiyyat pe teri cheekh ke ham ne jo ki fariyaad
boli yeh teri rooh, na samjho isey bedaad
Islam zinda hota hai har karbala ke ba’ad
gar waqt parey mulk pe hojaiye qurbaan
aey Qauid-e-Azam tera ehsaan hai ehsaan
yun di hamain aazaadi ke duniya huwi hairaan
aey Qauid-e-Azam tera ehsaan hai ehsaan
tera ehsaan hai, tera ehsaan!
LONG LIVE PAKISTAN !!! :jhanda:
aur kis khoobsoorti sey hum ye ‘ehsaan’ utaar rahey heiN 
this was meant for something positive after all the negativity from todays blasts :hinna:
