Her Koi Dil Ki Hatheli Pe Hai Sehra Rakhe
Kis Ko Sairaab Kare Wo Kise Pyasa Rakhe
Umer Bher Koun Nibhata Hai Taluq Itna
Aye Meri Jaan Ke Dushman Tujhe Allah Rakhe
Hum Ko Acha Nahin Lagta Koi Hum Naam Tera
Koi Tujh Sa Ho Tou Phir Naam Bhi Tujh Sa Rakhe
Dil Bhi Pagal Hai Ke Us Shakhs Se Waabasta Hai
Jou Kisi Aur Ka Hone De Na Apne Rakhe
Hans Na Itna Bhi Faqeeron Ke Akelepan Per
Jaa..Khuda Meri Tarah Tujh Ko Bhi Tanha Rakhe
Yeh Qana’at Hai, Ata’at Hai Ke Chahat Hai Faraz
Hum Tu Raazi Hain Woh Jis Haal Mein, Jaisa Rakhe
Ahmed Faraz