**Aye kuch abr kuch sharab aye
us ke bad aye jo azab aye
baam-e-miina se maahtab utre
dast-e-saaqi meN aftab aye
har rg-e-KhuuN meN phir charaGhan ho
saamne phir wo be naqab aye
kar raha tha dil Gham-e-jahan ka hisab
aj tum yaad be hisab aye
na gai tere Gham ki sardari
dil men yuun roz inqilab aye
is tarah apni Khamoshi gungi
goya har simt se javab aye
Faiz thi raah sar ba sar manzil
ham jahan pohunche kaamyaab aye**
