Aye jazba-e-dil gar main chahoon!!!

Arts & Culture Poetry ( Intikhaab & Sho'ra-e-Gupshup)
1

Aye jazba-e-dil gar main chahoon
har cheez muqabil aa jaaye
manzil ke liye do gaam chaloon
aur samnay manzil aa jaaye

Aye dil ki Khalish chal yuonhi sahi
chalta to hoon unki mehfil mein
us waqt mujhe chaunka dena
jab rang pe mehfil aa jaaye

Aiye rahber-e-kamil chalne ko
tayaar to hoon par yaad rahe
us waqt mujhe bhathka dena
jab saamnay manzil aa jaaye

Haan yaad mujhe tum kar lena
awaz mujhe tum de lena
is rah-e-muhabbat mein koi
darpaish jo mushkil aa jaaye

Ab kiyun dhondoon woh chashm-e-karam
honay de sitam bala-e-sitam
main chahta hoon aye jazba-e-ghum
mushkil pas-e-mushkil aa jaaye

Behzad Lakhnavi

2

Re: Aye jazba-e-dil gar main chahoon!!!

nice

some missing ashaar:

Kashti ko Khuda per chhoR bhi de, kashti ka Khuda Khuda hafiz hai;
Mushkil to nahien in maujoon mein, behta huva saahil aa jaaye.

Is jazba-e-dil ke bare mein, ek mashvara tum se leta hoon;
Us vaqt mujhe kya lazim hai, jab tujh pe mera dil aa jaaye.
Ae barq-e-tajalli kya tu ne, mujhko bhi Moosa samjha hai;
Main toor nahien jo jal jaoon, jo chaahe muqabil aa jaaye.

3

Re: Aye jazba-e-dil gar main chahoon!!!

I am sure no one compete Nayyara Noor.