**
Ujray Howay Logoon Say Guraizan Na Hua Kar
Halaat Ki Qabron Kay Katbay Bhi Parha Kar
Kia Janiye Kiun Taiz Hawa Soch Main Gum Hai
Khawabeeda Parindoon Ko Darakhton Say Ura Kar
Us Shaks Kay Tum Say Bhi Marasim Hain To Hon Gay
Woh Jhoot Na Bolay Ga Mairay Samnay Aa Kar
Ab Dastakain Day Ga Tu Kahan Kay Ghum-E-Ahbaab
Main Nay To Kaha Tha Kay Mairay Dil Main Raha Kar
Har Waqt Ka Hansna Tujhay Barbaad Na Kar Day
Tanhai Kay Lamhon Main Kabhi Ro Bhi Liya Kar
Woh Aaj Bhi Sadiyoon Ki Musafat Pay Khara Hai
Dhonda Tha Jisay Waqt Ki Dewaar Gira Kar
Aye Dil Tujhay Dushman Ki Pehchan Kahan Hai
Tu Halqa-E-Yaaran Main Bhi Muhtaat Raha Kar
Main Mar Bhi Chuka, Mil Bhi Chuka Mouj-E-Hawa Main
Ab Rait Kay Seenay Pay Maira Naam Likha Kar
Pehla Sa Kahan Ab Mairi Raftaar Ka Alam
Aye Gardish-E-Doran Zara Tham Kay Chala Kar
Ik Rooh Ki Faryaad Nay Chonka Diya Mujhay
Tu Ab To Mujhhay Jism Kay Zindan Say Riha Kar
Iss Shab Kay Muqaddar Main Sehar Hi Nahin Mohsin
Daikha Hai Kai Baar Charaghon Ko Bujha Kar!!
**