Ye dil ye pagal dil mera kyon bujh gaya awaargi
Is dasht mein ek shehar tha vo kya huwa awaargi
Kal shab mujhe be-shakl si aavaz ne chaunka diya
Main ne kaha tu kaun hai us ne kaha awaargi
Ek tu ke sadiyon se mera ham-rah bhi ham-raz bhi
ek main ke tere naam se na-aashna awaargi
Ye dard ki tanhaiyan ye dasht ka viran safar
Ham loug to ukta gaye apni suna awaargi
Ek ajnabi jhonke ne jab poochha mere Gham ka sabab
Sehra ki bheegi reit par main ne likha awaargi
Logo bhala us shehar mein kaise jiyenge ham jahan
Ho jurm tanha sochna lekin saza awaargi
Le ab to dasht-e-shab ki sari wusatain sone lageen
Ab jagna hoga hamein kab tak bata awaargi
Kal raat tanha chaand ko dekha tha main ne Khvab mein
‘Mohsin’ mujhe raas aayegi shaayad sada awaargi
[YT]4Per3N4fl2Y&feature=related[/YT]
