AUTOGRAPH

Arts & Culture Poetry ( Intikhaab & Sho'ra-e-Gupshup)
1

Khiladion ke khud navisht dast-khat ke wastay
Kitabchay lea howe
Khadi hain muntazir haseen ladkiyan
Dhalaktay anchlon se be-khabar haseen ladkiyan

Muheeb phattkon ke doltay kawadh cheekh uthay
To chal paray
Ulajhtay ba-zuon chatakhtti paslion ke pur hiras qafilay
Giray, bhaday, bhanwar hujoom ke

Khadi hain yea bhi raastay main ik taraf
Bayaz-e-arzo bakaf
Nazar nazar main na-rasa purashtishon ki dastan
Laraz raha hai dam-ba-dam
Kaman-e-abruon ka kham

Koi jab aik shan-e-be nayaz se
Kitabchon pe khinchta chala gaya
Haroof-e-kajtarash ki lakeer si
To tham gain labon pe muskurahatain shareer si

Kisi azeem shakhsiyat ki tamkanat
Hinai unglion main kanptay waraq pe jhuk gai
To zar nigar pallo-on se jhanktti kalaion ki taiz nabz ruk gai

Wo bowler aik mehwishon ke jhamghatton main ghir gaya
Wo safha-e-bayaz par
Basad ghuroor kalk-e-gohar-en phiri
Haseen khil khilahaton ke darmiyan wicket giri

Main ajnabi, main be nishan, main pa-ba-gill
Na rifat-e-mukam hai, na sohrat-e-dawam hai
Yea loh-e-dil … yea loh-e-dil
Na is pe koi naqsh hai
Na is pe koi naam hai

2

Re: AUTOGRAPH

What does this translate in english? Sorry my urdu is not as good as my english!

3

Re: AUTOGRAPH

SORRY I DON'T HAVE MUCH TIME TO TRANSLATE IT NOW BUT TOMORROW I'LL TRY MY BEST TO GET SOME MOMENTS..K

4

Re: AUTOGRAPH

**nice gumrah....keep it up !

Dard Ko bhi Ab Dard Hone laga hai,
Dard Khud hi Mere Zakham dhone lagha hai,
Dard ke sath kabhi Roye na hum,
Dard Khud hi Humko chhu kar Rone Laga hai

tanhai mere kaan main kuch kehne lagi hai
ek zaat meri zaat main gum rahne lagi hai
jis aankh ko kisi ne bhi rote nahi dekha
woh aankh teri yaad main num rahne lagi hai.

udas aankhon main raat ka kumar dekha hai
k pehli bar usse beqarar dekha hai
jissay khabar he na hoti thi mere aane ki
us ki ankhon main ab intezar dekha hai.

jab kabhi dil ko woh yaadon se rehai dega
mere andar koi tufaan sunai dega
usse milte he yeh ehsaas hua tha mujh ko
yahi woh shakhs hai jo lambi judai dega.

bharam rakh lo wafa ki shaan ban jao
kisi pe jaan de do kisi ki jaan ban jao
tumhare naam se pukarain mujhe jahan wale
main ban jaon fasana tum unvan ban jao.

Woh mil jatey hain kahani bankar
Dil mein bas jatey hain nishani bankar
Jinhe hum rakhte hain apni aakhon mein
Kyun nikal jatey hain wo pani bankar

tum lakh chupana chaho chehray say
ehsaas hamari chahat ka
dil jab bhi tum haara dharakta hai
awaz yahan tak ati hai

woh jo milte he bicharta hai rula deta hai,
jane kis baat pe dil us ko dua deta hai,
woh mujhe pyar se rote main hansane wala,
yaad ata hai to hanste main rula deta hai.

woh pyari nigah sada yaad rahegi
mil kar na milne ki ada yaad rahegi
mumkin hai mere baad woh mujhe bhool jaye
lekin umar bhar usse meri wafa yaad rahegi

un ki mohabbat ka abhi nishan baki hai,
naam lab par hai aur jaan baki hai,
kiya hua agar dekh kar mouh pher lete hain woh
tassali hai k shakal ki pehchan abhi baki hai**

5

Re: AUTOGRAPH

nice sharing .....

6

NAYAB, realy nice but sorry to say main itni lambi lanbi poems nahi parhta kiu ke main bhool jata hoon…

http://www.facebook.com/?ref=home#!/photo.php?pid=33068&id=100001277711039