Aarzoo thee us ko bhee meiN muskuraata dekhta
Zindgi ki rah meN kuchh door jata dekhta
Mujh se kehta gar kabhi wo dekh milna ab naheeN
Ashk peeta zakhm sehta dil jalata dekhta
Woh jo aata laut aateen maekad’e ki raunqaiN
Muskuraata ghum bhulaata gungunaata dekhta
Dekhti duniya sanbhalta aisay ye beemaar’e ghum
Ik nazar ki baat thee jaadoo jagaata dekhta
Us ko jaldi thee bichhaRne ki Sikander wo gayaa
Gar wo sunta baat meri yooN manaata dekhta