Zindagi ke rahooN maiN baarha ye dikha hai
sirf sun nahi rakha khud bhe aazmaya hai
TajroboN se sabit hai
Jo bhe paRhty aye haiN uss ko theek paya hai
iss tarha ke batoN se manziloN se pehly he
saath chooT jaty haiN log root jaty haiN
yeh tumhay batadoN maiN chahtoN k rishty maiN
Phir girah nahi lagti
Lag bhe jaye tu uss maiN wo kashish nahi hoti
aik pheeka pheeka sa raabta tu hota hai
Taazgi nahi rehti
Roh k taluq maiN zindagi nahi rehti
baat wo nahi bandi dosti nahi rehti
lakh bar mil kar bhe dil kabhi nahi milty
Zhen k jhrookoN maiN, yaad k dareechoN maiN
TitlioN k rangoN maiN phool phir nahi khiltay
iss ley maiN kehta hooN
Iss tarha ke baatoN maiN ihteyat karty haiN
Iss tarha ke baaton se ijtenab karty haiN
