Apne maazi ke tasavvur se hirasaan hoon mein
Apne guzre huwe ayyaam se nafrat hai mujhe
Apni bekaar tamana’oun pe sharminda hoon mein
Apni besood umeedoon pe nidaamat hai mujhe
Mere maazi ko andheroon mein daba rehne do
Mera maazi meri zilat ke siwa kuch bhi nahee
Meri umeedoon ka haasil meri kaavish ka sila
Ek benaam azzeyyatt ke siwa kuch bhi nahee
Kitni bekaar umeedoon ka sahaara ley kar
Mein ne aiwaan sajaaye thay kisi ki khaatir
Kitni be-rabt tamana’oun ke maabham khaake
Apne khwaaboon mein basaaye thay kisi ki khaatir
Mujhe se ab meri muhabbat ke fasaane na poocho
Mujh ko kehne do ke mein ne unhain chaaha hi nahee
Aur woh mast nigahain jo mujhe bhool gaeen
Mein ne un mast nigahoon ko saraaha hi nahee
Mujh ko kehne do ke mein aaj bhi ji sakta hoon
Ishq nakaam sahi zindagi nakaam nahee
Un ko apnaane ki khwaahish unhain paane ki tallab
Shauq bekaar sahi saigam anjaam nahee…
Re: apni
:k:
Re: apni
Hasrat e na tamam :(
Re: apni
achchii nazam hai magar tikniki pahloo se kuchh ajeeb lagii...shaa'ir ne na jaane kiuN beech nazam aa kar qaafiya bandii tark kar dii aur ek muraddaf nazam ko Ghair muraddaf kar diyaa...wallaho 'aalam bissawaab!