Main khud se apni wafa ka qaidi
ana parasti ke mosmon main
samandaron ki hawa ka qedi
kissay bataoon ke kitni zehrili meri tanhai
kon janay
na koi dewaar hei
jo mere sawal sun kar
jawab uglay
na koi derr hei
ke jo kissi shabb
kissi ke anay ka adh adhoora gumman bakhshe
kisse bataoon ke apni tareek galion main bhatak gaya hoon
kisse bataoon ke thak gaya hoon
main thak gaya hoon to sochta hoon
koi to mujh ko sitara ban ker nishan-e-manzil ki roshni de
koi to meri bhi aarzo’on ka chand thehre
main jis ki ankhon pe geet likhoon
main jis ke honton ko gunguna’oon
main jis ke hathon ko choom ker
apni band ankhon se der tak yun lagae rakhoon
keh jaise binai mil rahi ho
magar main dast-e-dua ka qaidi
main lafz lekin sada ka qaidi
ana parasti ke mosmon main
samandaron ki hawa ka qaidi
I love this nazam, last para is my favorite…Hope you all like it as well…
