apni rusavai tere name ka charcha dekhoN
ek zara sher kahoN aur main kya kya dekhoN
nind a jaye to kya mahafilen barpa dekhoN
aNkh khul jaye to tanhai ka sahara dekhoN
sham bhi ho gai dhundhala gai aNkhen bhi meri
bholanevale main kab tak tera rasta dekhoN
sab ziden us ki main pori karoN har bat sunoN
ek bachche ki tarah se use haNsta dekhoN
mujh pe chha jaye vo barasat ki Khushbo ki tarah
ang ang apana usi rut men mahakata dekhoN
to meri tarah se yakta hai magar mere habib
ji men ata hai koi aur bhi tujh sa dekhoN
main ne jis lamhe ko poja hai use bas ek bar
Khvab ban kar teri aNkhon men utarata dekhoN
to mera kuchh nahin lagata hai magar jan-e-hayat
jane kyon tere liye dil ko dhaDakata dekhoN
Perveen Shakir
for 4th 1 
Ehsan bhai