**Apne Haatho Se Yun Chehre Ko Chupate Kyun Ho
Mujh Se Sharmate Ho To Saamne Atay Kyun Ho
Tum Kabhi Mere Tarha Kar Bhi Lo Ikraar-e-Wafa,
Pyar Karte Ho To Phir Pyar Chupate Kyun Ho
Ashq Aankho Mein Mere Dekh K Rote Kyun Ho,
Dil Bhar Aata Hai To Phir Dil Ko Dukhate Kyun Ho
In Se Vaabasta Hai Jab Mera Muqadar Phir
Mere Shano Se Ye Zulf Hatatay Kyun Ho
Roz Mar Mar K Mujhe Jeenay Ko Kehte Kyun Ho,
Milne Aatay Ho To Phir Laut K Jatay Kyun Ho
Apne Haatho Se Yun Chehre Ko Chupate Kyun Ho,
Mujh Se Sharmate Ho To Saamne Atay Kyun Ho**