apani rusawaai tere naam ka charchaa dekhoon
ek zaraa sher kahuu.N aur mai.n kya kya dekhoon
neend aa jaaye to kyaa mehfilain barpaa dekhoon
aankh khul jaaye to tanhaai kaa sehraa dekhoon
shaam bhi ho gayi, dhundhlaa gai aanKhen bhi meri
bhoolanewaale mein kab tak tera rastaa dekhoon
sab zidein us ki mai.n poori karuN, har baat sunoon
ek bachche ki tarah se use haNstaa dekhoon
mujh pe chaa jaae wo barasaat ki Khushbuu ki tarha
angg angg apna ousi rut mein mehakataa dekhoon
tuu meri tarha se yakta hai, magar mere habib
ji meen aata hai koi aur bhi tujh saa dekhoon
mai.n ne jis lamhe ko pooja hai usey bas ek baar
Khwaab ban kar teri aaNkhon mein utartaa dekhoon
tuu mera kuch nahin lagtaa hai magar jaan-e-hayaat
jaane kyon tere liye dil ko dharakata dekhoon
----kuchh to havaa bhii sard thi----
kuchh to havaa bhii sard thii kuchh thaa teraa Khayaal bhii
dil ko Khushii ke saath saath hotaa rahaa malaal bhii
baat vo aadhi raat ki, raat vo pooray chaa.Nd kii
chaa.Nd bhi aen chet kaa us pe tera jamaal bhii
sub say nazar bacha ke vo mujh ko aise dekhate
ek dafa to ruk gai gardish-e-maah-o-saal bhii
dil to chamak sake gaa kya phir bhi taraash ke dekh lo
shishaa-garaan-e-shahar ke haath kaa ye kamaal bhii
us ko na paa sake the jab dil ka ajeeb haal tha
ab jo palaT ke dekhiye baat thi kuchh muhaal bhii
meri talab thaa ek shaKhs, vo jo nahi.n milaa to phir
haath duaa se yuu.N giraa bhool gayaa savaal bhii
shaam kii naa-samajh hawa poochh rahi hai ik pataa
maujhe-hava-e-kuu-e-yaar kuch to meraa Khayaal bhii
us kay hi baazuu_o.n mei.n aur us ko hi sochate rahe
jism ki Khvaahisho.n pe the ruuh ke aur jaal bhi.
----Pyaar----
abr-e-bahaar nay
phool ka chehraa
apaney banafshi haath mei.n ley kar
aisay chooma
phool ke saaray dukh
Khushboo ban kar bah nikale hain
----wo to Khushbuu hai, hawaaon mein----
wo to Khushboo hai, hawaao.n me.n bikhar jaaegaa
maslaa phool ka hai, phool kidhar jaaegaa
ham to samjhe the ke ek zaKhm hai, bhar jaaegaa
kya Khabar thi ke rag-e-jaa.N me.n utar jaaegaa
wo hawaaon ki tarah Khaana-bajaa phirta hai
ek jhonkaa hai jo aae gaa, guzar jaaegaa
wo jab aae gaa to phir us ki rafaaqat ke liye
mausam-e-gul mere aaNgan mei.n Thahar jaaegaa
aaKhirash wo bhi kahin ret pe baiThi ho gee
teraa ye pyaar bhi dariyaa hai utar jaaegaa
wo to Khushboo hai, hawaao.n me.n bikhar jaaegaa
maslaa phool ka hai, phool kidhar jaaegaa
ham to samjhe the ke ek zaKhm hai, bhar jaaegaa
kya Khabar thi ke rag-e-jaa.N me.n utar jaaegaa
wo hawaaon ki tarah Khaana-bajaa phirta hai
ek jhonkaa hai jo aae gaa, guzar jaaegaa
wo jab aae gaa to phir us ki rafaaqat ke liye
mausam-e-gul mere aaNgan mei.n Thahar jaaegaa
aaKhirash wo bhi kahin ret pe baiThi ho gee
teraa ye pyaar bhi dariyaa hai utar jaaegaa
HERE IM 
missed u!!